Lugo, 7 de marzo 2013. Antonio Veiga, vicepresidente da Deputación lucense e delegado provincial de Benestar Social e Igualdade participou, esta tarde, xunto co delegado de Cultura e Turismo, Mario Outeiro, nas actividades organizadas pola Vicepresidencia da institución no Museo Provincial con motivo do Día Internacional da Muller Traballadora que se celebra mañá, 8 de marzo, baixo o lema ‘Unha promesa é unha promesa: momento de pasar a acción para acabar coa violencia contra as mulleres.’
Durante a inauguración, Veiga insistiu en que este lema está de máxima actualidade en canto a diminución no número de denuncias presentadas por violencia de xénero é “un espellismo” provocado pola crise económica que fai que moitas mulleres rexeiten denunciar polo medo a non atopar traballo e poder ser independentes economicamente. Neste senso, o vicepresidente da Deputación afirmou que “é urxente por en marcha medidas laborais de discriminación positiva para evitar que o drama do paro continúe afectando de xeito máis virulento ás mulleres” e recordou que so na provincia de Lugo hai máis de 14.200 desempregadas e que en comarcas como a da Mariña o paro feminino supón máis do 53 por cento do paro total. “O 8 de marzo debe servir para chamar a atención sobre estes problemas pero debemos levantar a voz durante todo o ano para evitar tamén a discriminación salarial feminina, xa que, no noso país, as galegas perciben un salario un 25 por cento menor que os galegos.”
Os actos iniciáronse coa lectura dramatizada de poemas de Rosalía de Castro por parte das actrices lucenses Paloma Lugilde e Tareixa Campo e continuaron cunha conferencia impartida pola escritora monfortina Teresa Moure titulada ‘Desestabilizando o xénero. Que fica da liberación feminista?’
Dende a Vicepresidencia da Deputación aseguran que non se pode celebrar o Día da Muller sen lembrar a figura e a obra de Rosalía de Castro, máis neste ano no que se cumpren 176 anos do seu nacemento e 150 anos da publicación de ‘Cantares Galegos’. Rosalía foi unha feminista na sombra preocupada pola sorte das mulleres a partir da súa propia experiencia vital; en toda a súa obra aparecen reflectidas dous tipos de mulleres, as que se revelaban e defendías o seu e as sometidas.
Pola súa banda e nesa liña, Mario Outeiro concluíu que “o Goberno do Estado, do Partido Popular, está convertendo a todas as mulleres en sometidas ao eliminar o dereito das mulleres a decidir libremente sobre a súa maternidade e animounas a revelarse contra un Executivo que defende posicións ancoradas no pasado.”
Os actos remataron cunha actuación musical a cargo do grupo Jontinho`s en formato acústico.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
