– As obras de arranxo da vía, derrubada por unha das marxes debido ás intensas choivas, estarán listas a próxima semana e consisten en habilitar un pequeno desvío sobre o trazado inicial da calzada para garantir a estabilidade do terreo e a seguridade dos condutores.
– Os traballos que se están a acometer “son un exemplo de colaboración veciñal e institucional”, destacou o Deputado de Xestión Territorial, pois a comunidade de montes de Bravos, co beneplácito do Concello, cedeu os terreos necesarios para facelo desvío na estrada provincial.
A Deputación de Lugo está a acometelas obras de reconstrución da estrada provincial 3807, que une os núcleos de Bravos e San Pantaleón, no Concello de Ourol, tralos danos ocasionados polo ciclón Gong. O organismo provincial destina un orzamento de 15.000 euros a estes traballos, que estarán listos a próxima semana.
As intensas choivas rexistradas a mediados de xaneiro co paso do temporal Gong pola provincia provocaron derrubes nunha das marxes desta vía ourolesa, á altura do quilómetro 3,500, polo que foi necesario cerrar ó tráfico o carril afectado, instalando a sinalización correspondente. A solución adoptada pola Deputación para arranxar a vía e dotala de novo de dous carrís de circulación consiste en facer un pequeno desvío sobre o trazado inicial da calzada, co fin de garantir a estabilidade do terreo e a seguridade dos condutores.
En concreto, dende a pasada semana estase a abrir cunha máquina escavadora un espazo pola marxe que non sufriu derrubes co fin de habilitalo como calzada. Os movementos de terras necesarios concluirán previsiblemente mañá, e a continuación iniciaranse os traballos de pavimentación do firme. Tamén se acondicionará a parte derrubada, onde se colocará unha bionda para evitar riscos.
O Deputado de Xestión Territorial, Manuel Martínez, agradeceu as facilidades que, tanto os veciños, como o Concello, “nos deron para poder realizar estas obras”. Deste xeito, Martínez cualificounas como “un exemplo de colaboración veciñal e institucional”, pois a comunidade de montes de Bravos cedeu de balde, co beneplácito do Concello, os terreos necesarios para habilitar o desvío na estrada provincial. O Deputado explicou así mesmo que as actuacións, que se acometen con cargo ó Plan de Conservación de Estradas, comezaron en canto o organismo lugués puido dispoñer desa superficie necesaria para ampliala calzada e en canto melloraron as condicións meteorolóxicas.
Arranca o Plan de Rebacheo
Co comezo do bo tempo, a Deputación tamén puido iniciar o Plan de Rebacheo deste 2013, no que inviste máis de 5 millóns de euros para acondicionar as estradas provincias dos 67 Concellos lucenses. Estas actuacións acométense igualmente con cargo ó Plan de Conservación de Estradas, que divide a rede viaria provincial, a máis extensa de España con 4.200 quilómetros, en 8 zonas para garantir a operatividade de tódalas actuacións.
Mil quilómetros de estradas provinciais na Mariña
As estradas provinciais dos 16 Concellos mariñanos teñen máis de 1.000 quilómetros e están distribuídas entre as denominadas Zonas 1 e 2. En concreto, a Zona 1, adxudicada á UTE J. Sanjurjo S.L.-Carferlo S.L., está formada polos Concellos do Vicedo, Viveiro, Xove, Cervo, Burela, Ourol, Muras, Xermade e Vilalba, que suman 530 quilómetros; e a Zona 2, adxudicada a Isidro Otero, fórmana os municipios do Valadouro, Foz, Alfoz, Barreiros, Lourenzá, Ribadeo, Trabada, Mondoñedo, Abadín, Riotorto, A Pastoriza e A Pontenova, que suman un total de 618 quilómetros.
Os traballos de bacheo estanse a acometer de maneira simultánea nas 8 zonas cun dispositivo composto por un total de 50 operarios e 32 máquinas, coordinado por 16 capataces e vixilantes. As actuacións que se están a levar a cabo atenden ás necesidades recompiladas polos técnicos provinciais durante os últimos meses, e tamén a solicitudes veciñais.
En 5 anos, este Goberno provincial multiplicou por 10 o número de quilómetros con aglomerado en quente, e hoxe son 1.000 os que contan con este material. Tendo en conta que esta superficie está en boas condicións, o número final de quilómetros sobre os que se intervirá co Plan de Rebacheo é de 3.200 no conxunto da provincia.
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. 
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
