As iniciativas a nivel municipal súmanse ás presentadas no Parlamento para frear os plans de reestruturación da Axencia Tributaria, que “deixan desprotexidas ás persoas que viven en cidades intermedias ou pequenas vilas e van contra as pequenas xestoras e empresas do rural, que verán aumentados os seus gastos”.
O PSdeG presentará mocións nos concellos da comarca de Lemos e A Mariña para frear a resolución tomada en febreiro polo Goberno do PP sobre a estrutura e organización territorial da Axencia Tributaria, que no caso da provincia lucense supón o desmantelamento das oficinas de Foz e Monforte, centralizando os servizos en Lugo. Estas iniciativas súmanse ás rexistradas no parlamento polo deputado Carlos González Santín. “Isto, sumado aos recortes, que eles chaman reformas, nas áreas sanitarias, en sanidade, en educación, en servizos sociais ou en infraestruturas representa a total falta de sensibilidade e de compromiso dos gobernos do PP co interior de Galicia e coas zonas rurais”, censuran os socialistas.
O PSdeG sinala que “con esta decisión política, o actual Goberno do Estado, centralizando os referidos servizos e afastándoos das persoas que non viven nas capitais de provincia ou en grandes cidades, deixa desprotexidos e sen servizos as persoas que viven en cidades intermedias ou en pequenas vilas, obrigándoas deste xeito a realizar desprazamentos de máis de 100 quilómetros nalgúns casos”. Tamén é unha medida “contra as pequenas xestoras e empresas do rural, que terán que desprazarse para realizar trámites e que verán incrementados os seus gastos”.
Este desmantelamento das oficinas da Administración Tributaria suporá que só presten servizos de recollida de documentación e información, o que “supón outro lamentable episodio dos goberno do PP, tanto da Xunta como do Goberno de España”, co obxectivo de “ir baleirando de contido estas administracións tributarias, para nun futuro acabar pechándoas, iso si, negando e dicindo que non a todo como nos teñen acostumados, facendo no goberno o contrario do que prometeron no programa electoral, enganando aos cidadáns”, critican. Os socialistas lembra que “unha vez máis, a decisión nin sequera foi negociada cos axentes sociais”.
Desde o PSdeG suliñan, asimesmo, que “nun momento onde o Estado recada menos impostos e aumenta o déficit público, con este tipo de política o PP renuncia á loita contra a fraude fiscal, indo xustamente na dirección contraria á Unión Europea, que está reforzando o seu órgano recadador”.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
