O partido, a iniciativa de Xuventudes Socialistas, proporá medidas para os menores de 30 anos e lembra que “un de cada dous non pode acceder a unha ocupación que lle permita desenvolver unha vida digna”, mentres “30 mozos abandonan Galicia cada día”, o que agrava o despoboamento e o envellecemento.
O PSdeG presentará mocións nos concellos da provincia, a iniciativa de Xuventudes
Socialistas, para instar a que a Xunta fomente a través da Consellería de Traballo e Benestar “un programa de Plan de Emprego Local en coordinación cos concellos, destinado á xeración de postos de traballo entre a xente moza”.
Na moción, os socialistas solicitan “a priorización no plan de busca de emprego para menores de 30 anos en risco de exclusión social, e para mozos menores de 30 anos integrantes de unidades familiares perceptoras de salario social, e os que conten con máis antigüidade en desemprego”. Ademais, piden “a posta en marcha de bolsas de emprego e prácticas en colaboración con empresas da zona para mozos e mozas profesionais de alta cualificación”, así como “a toma de medidas para fomentar a cultura emprendedora” e “a realización previa dun estudo de observación sobre a evolución sectorial da ocupación do concello” e localizar os sectores con máis demanda “para canalizar de forma efectiva a oferta e demanda de emprego”.
Desde o PSdeG lembran que “trinta mozos ao día abandonan Galicia en busca de oportunidades fóra do país”, e que “á fuga de capital humano que supón este continuo éxodo hai que engadirlle os problemas demográficos que xera o envellecemento, e o despoboamento” que son “asuntos capitais” en Galicia e na provincia de Lugo.
Organismos provinciais como a Deputación de Lugo “levan anos poñendo de manifesto esta problemática sen que existan respostas nin adecuadas nin suficientes por parte da Xunta”, lembran desde o PSdeG, que destaca que o Goberno galego “ten as competencias activas para a creación de emprego, aínda que o seu Presidente manifeste o contrario”.
“É evidente que os plans da Xunta para xerar emprego mozo son inexistentes, xa que Galicia arroxa unha taxa de paro xuvenil do 50%, ou o que é o mesmo, 1 de cada 2 menores de 30 anos non pode acceder a unha ocupación que lle permita desenvolver unha vida digna”, critican os socialistas, que alertan de que “esta situación, acumulada aos continuos recortes en educación e protección social, está a situar os mozos e mozas galegos ao borde da exclusión social”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
