Foz, 25 de marzo de 2013.- A delegada territorial de Lugo, Raquel Arias, informou hoxe en Foz das axudas recentemente convocadas pola Xunta para o desenvolvemento de medidas destinadas a revitalizar o consumo no comercio local.
Arias participou na celebración do aniversario da Asociación de Comerciantes, Industriais e Autónomos (Acia) de Foz, á que gabou porque “leva 25 anos loitando polo desenvolvemento deste sector e contribuíndo de xeito decisivo á dinamización económica e social do propio concello”.
A delegada recoñeceu “o peso específico” que ten o comercio de proximidade no tecido industrial da provincia, indicando que a Xunta “está a poñer todos os medios ao seu alcance para paliar os efectos que a diminución do consumo tivo no sector”. O comercio, apuntou, “xera máis de 110.000 postos de traballo en Galicia, e representa a cuarta parte das empresas galegas en activo, motivo polo que o Goberno galego traballa co obxectivo de incrementar a súa competitividade”.
Neste marco encádranse as axudas para as asociacións de comerciantes para a dinamización dos centros comerciais abertos (CCA) e das prazas de abastos convocadas pola Consellería de Economía e Industria, dirixidas a sufragar campañas de dinamización, sistemas de fidelización de clientes e outros proxectos de mellora que, no caso das prazas de abastos, inclúen as instalacións e equipamentos.
Este programa, explicou, “conta este ano con 2,2 millóns de euros, un 10% máis que o ano pasado, cando posibilitou a realización de máis de 300 actuacións de dinamización comercial que redundaron no beneficio dos máis de 5.000 pequenos comercios agrupados nestas asociacións”.
As subvencións poden solicitarse ata o día 22 de maio; no caso dos centros comerciais abertos poden chegar ata os 40.000 euros e alcanzar o 80% do investimento subvencionable, mentres que no das prazas de abastos a porcentaxe de axuda é do 70%, podendo alcanzar a subvención un máximo de 9.800 euros. Arias animou a “traballar en conxunto” para levar á práctica ideas “orixinais e eficaces” e impulsar así a mellora competitiva do comercio de proximidade.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
