O 27 e o 28 de abril, Ribadeo acollerá o Encontro Sendeirista, enmarcado no programa Ribadeo Eventos co que a Concellaría de Desenvolvemento Local e Turismo quere promocionar Ribadeo como destino de encontros e grupos. O sábado, con saída desde Ribadeo percorreranse a ruta guiada da Vía Verde máis as Minas de Vilaodriz, e opcionalmente haberá, á tarde, unha ruta das Aceas. Xa o domingo, desenvolverase o Encontro Galego – Astur de Sendeirismo, coa colaboración do Grupo de Montaña Ribadense Pena Tallada, e no que se achegarán catro clubs tanto asturianos como galegos. Farase a ruta guiada pola costa e outra polos montes da zona, para confluíren as dúas na praia das Catedrais que se visitará en marea baixa. Irase logo ata as cetarias de Rinlo onde se comerá ao aire libre para logo rematar na viliña. A participación nesta actividade – organizada por Sikae Viaxes coa colaboración da Asociación Pena Tallada e o Concello- terá un custe de 5 euros para a xente de Ribadeo tanto para os días 27 coma 28. As prazas son limitadas. Máis información na Oficina de Turismo: 982128689 / Ribadeo Eventos.
Ribadeo acolle o Encontro Sendeirista esta fin de semana
Relacionado
-
Os veciños de Xunqueira reuniránse o luns 17 de agosto ás 19:30 horas na Antiga Escola do barrio para abordar a situación creada pola obra de rexeneración do río, que mantén a zona semiocupada desde o desastre ocorrido hai sete anos.
-
A Plataforma pola Paz da Mariña de Lugo e o Occidente Astur convoca para o domingo 23 de agosto en Ribadeo unha manifestación pola paz
-
Presentación de ‘Espiritualidad’
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
