Lugo 24 de abril de 2013.- Tras ser coñecedores de que o PSdeG, a iniciativa de Xuventudes Socialistas, presentará mocións nos concellos da provincia para instar a que a Xunta fomente un programa de Plan de Emprego Local en coordinación cos concellos, destinado á xeración de postos de traballo entre a xente moza, o presidente de NNXX do Partido Popular de Lugo, Daniel Vega, tachou de surreal que veña arestora o PSOE falando de emprego cando foi o partido que levou a España a unha situación inédita na historia de España.
“Que fale o PSOE de emprego é surrealista. Que o partido do desemprego, o da nula xestión en materia económica, pida agora a creación dun plan de emprego é algo que non ten lóxica”- afirma Vega, quen engade que o PSOE, no momento en que puido por en marcha plans de emprego, deu a espalda e o que fixo foi xerar o “plan de desemprego”, dando lugar a actual situación.
Daniel Vega recoñeceu que atravesamos un situación difícil, “vivimos unha época na que o desemprego é un asunto que nos preocupa con seriedade posto que os mozos son o futuro do país”- manifestou Vega que lembrou que é o goberno da Xunta de Galicia e do Estado, os que están intentando paliar esta situación xerada por un goberno socialista.
“Esta moción chega tarde”- afirma Vega, quen engade que xa no mes de febreiro avanzábase o consenso para establecer unha Estratexia de Emprendemento e Emprego Xoven, que abordaba 100 medidas para combater o desemprego entre os mozos.
Lembra o presidente de NNXX do PP de Lugo, que pouco despois do anuncio do Goberno de Feijóo, exactamente o 12 de marzo, o presidente do Goberno Mariano Rajoy, presentaba xa as liñas concretas da Estratexia de Emprendemento e Emprego para mozos 2013-2016, pensada para que máis dun millón de mozos poidan beneficiarse das medidas de choque.
“Esta estratexia inclúe un amplo conxunto de actuacións dirixidas a mellorar a empregabilidade dos mozos/as a través da educación, a formación, o coñecemento de idiomas estranxeiros e das tecnoloxías da información, accións para fomentar o emprendemento” – afirma Vega, quen engade que son actuacións cuxo obxectivo é mellorar a intermediación para facilitar o acceso a un posto de traballo, así como medidas para estimular a contratación de mozos/as, mediante a implementación de novos incentivos.
Conclúe Vega preguntándose se ese plan de emprego que solicitan agora os solicialistas é para pedirlle desculpas aos mozos por deixarlle esta herdanza.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
