Aforrará ós Concellos de Foz, Viveiro e Ribadeo 21.000 euros para renovar a certificación ISO 14001 de 14 praias: Areoura, Llas, Peizás, As Polas, A Rapadoira, Os Xuncos, Alemáns, A Pampillosa, Arealonga, Covas, Area, Sacido, As Catedrais e Os Castros.
Lara Méndez subliña o “esforzo inversor” que fai o organismo provincial para que a comarca mariñana siga competindo en calidade medioambiental coa Costa Dourada e o Levante, situándose na mesma categoría que areais como Cullera, Gandía ou Salou.
A Deputación de Lugo asumirá por cuarto ano consecutivo o 100% dos custes de consultoría e auditoría para que a A Mariña conte de novo coa certificación ISO 14001, a de maior rigor a nivel internacional no eido da protección ambiental, concedida segundo parámetros da Unión Europea e que garante un plus de calidade ás praias que o reciben. Deste xeito, o organismo provincial aforrará 21.000 euros a Foz, Viveiro e Ribadeo, despois de que os tres Concellos expresasen o seu desexo de continuar no programa para renovar o distintivo de 14 das súas praias: as focenses de Areoura, Llas, Peizás, As Polas, A Rapadoira, Os Xuncos, Alemáns, A Pampillosa e Arealonga; as viveirenses de Covas, Area e Sacido; e as ribadenses de As Catedrais e Os Castros.
A Vicepresidenta Segunda, Lara Méndez, subliñou “o novo esforzo inversor” que realiza a Deputación ó facerse cargo destes traballos, que enmarcou na “nosa estratexia de máxima cooperación cos Concellos”, para que A Mariña “siga competindo en calidade medioambiental con zonas como a Costa Dourada ou o Levante”, situándose na mesma categoría que populares areais como as de Cullera, Gandía, Oropesa del Mar ou Salou.
A provincia de Lugo é a primeira de Galicia e a cuarta de España -despois de Tarragona, Valencia e Castellón- con máis areais recoñecidos coa certificación ISO 14001. Dos 19 areais galegos certificados, 14 son mariñanos, e as outras 5 da Coruña (Riazor, Orzán, As Lapas, San Amaro e Oza).
Méndez incidiu tamén en que, a pesar de que os Concellos se comprometeran a facerse cargo das tarefas necesarias para renovar o distintivo de calidade, que deben realizarse cada tempada, o organismo provincial decidiu volver a financialas de novo este ano “tendo en conta a difícil situación económica pola que atravesan as administracións locais”.
A oportunidade do turismo vinculado ó medio ambiente
Consciente da gran oportunidade económica que supón o turismo vinculado ó medio ambiente, a Deputación, explicou a Vicepresidenta Segunda, decidiu no 2010 favorecer a implantación do selo de calidade ISO 14001 en tódalas praias da Mariña co fin de poñelas en valor e convertelas nun referente de calidade en España, contribuíndo deste xeito a potenciar un sector turístico sostible.
De feito, o turismo é un dos soportes fundamentais da economía mariñana. Como dato revelador da súa importancia, un estudo da Universidade de Santiago indica que o 68% da actividade económica do Concello de Ribadeo e o 60% da de Viveiro está fundamentada neste sector. Outro dato significativo é que, das máis de 5.000 empresas radicadas na comarca, o 70% dedícanse ó sector servizos.
Os traballos comezarán en xuño
Os traballos de consultoría e auditoría para renovar o certificado ISO 14001 comezarán ó longo do mes de xuño, e un ano máis, desenvolveranse en estreita colaboración cos técnicos municipais. Ademais de comprobacións documentais, haberá visitas in situ para comprobar a situación das praias e facelas recomendacións de mellora pertinentes.
Un aforro de 98.000 euros ós Concellos
Asumindo integramente os custes dos traballos para implantar e manter a certificación ISO 14001 dende o 2010, a Deputación leva aforrados 98.000 euros ós Concellos (35.000 euros en 2010 a Viveiro, Ribadeo, Foz, Burela e O Vicedo, para implantar o selo de calidade; 21.000 nos anos 2011, 2012 e este 2013 a Viveiro, Ribadeo e Foz, os tres Concello que decidiron continuar co proxecto).
Cales son os beneficios?
A certificación ISO 14001 e EMAS leva consigo tres tipos de beneficios directos para os Concellos. Por un lado, ambiental, un dos máis visibles, pois o selo implica a incorporación de melloras continuas nos areais. Deste xeito, as entidades locais que este ano renoven o certificado aplicarán actuacións que contribúan a optimizar a limpeza e a xestión de residuos das praias, así como melloras doutros servizos ós usuarios. Por outra banda, un beneficio de imaxe, dada a promoción que leva consigo, xa que as praias con este distintivo figuran nun rexistro oficial da Administración Autonómica ó que teñen acceso a cidadanía en xeral e os operadores turísticos. Así mesmo, abre portas á participación en feiras e salóns turísticos, e permítelles ós municipios distinguidos diferenciarse da competencia neste tipo de certames, mellorando o seu posicionamento ante a sociedade. Por último, leva consigo un beneficio económico, pois coa optimización da recollida de residuos, as entidades locais acaban reducindo custes e tamén o risco de recibir sancións por irregularidades medioambientais.
Máis rigorosas que a Bandeira Azul
“A pesar de que a Bandeira Azul quizais sexa máis coñecida polos usuarios”, os requisitos da ISO 14001, dedicada en exclusiva a cuestións ambientais, son moito máis rigorosos, argumentou Lara Méndez, pois baséanse nunha norma obxectiva que emana da Unión Europea. Mentres que a Bandeira Azul é unha fotografía fixa da praia que se dá nun determinado momento, a ISO 14001 garante unha excelente calidade medioambiental e de servizos, ademais dunha mellora continua nos areais. Tamén supón un valor engadido con respecto á Q de Calidade Turística, pois non só atende ás demandas dos turistas que marcan as empresas, senón tamén ás disposicións medioambientais dos expertos da UE. De aí que se garanta unha correcta xestión medioambiental, minimizando o impacto nas praias e, o que é máis importante, nos veciños.
Deste xeito, a Vicepresidenta Segunda e delegada da macro área de Emprego, Economía Sostible e Demografía, lamentou que non todos os Concellos mariñanos se adheriran en 2010 ó proxecto que o organismo provincial puxo en marcha para obtela certificación e que en 2011 se deran de baixa O Vicedo e Burela. “Poderían ter a custe cero un distintivo que garante un plus de calidade”, asegurou.
Aposta polo medio ambiente
Méndez destacou que a implantación deste certificado de calidade súmase ás numerosas iniciativas que emprende a Deputación para potenciar a actividade turística e o sector servizos en xeral na comarca mariñana aproveitando a potencialidade do medio ambiente, tales como: Km0, no que Mariña é o destino preferido; o Surf Camp, que serve de tirón para aumentala ocupación hoteleira na Mariña fóra de tempada, chegando na última edición a rozar o 80% na zona oriental da comarca; e o apoio á Peregrinación Marítima pola Costa de Lugo ou ó Camiño do Mar, cuxo recoñecemento oficial por parte da Xunta é un dos compromisos do programa do Goberno provincial.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
