Iván Rodríguez Lombardero.- Cando comezou a falarse do Comercio Xusto moitos e moitas de nós víamos estes produtos como mercadorías de países “pobres”, feitos seguindo criterios de calidade ambiental, sen explotar aos traballadores e pagados cuns prezos acordes a todo iso. Pensabamos que era unha cuestión de solidariedade con aqueles pobos, que o mundo estaba deseñado así: nós viviríamos ben mentres que persoas doutras partes do mundo estaban condenadas a sufrir.
Anos despois as persoas traballadoras explotadas ás que queriamos axudar somos nós. As pequenas explotacións que estaban a desaparecer son as nosas, e as persoas que permeten e mesmo fomentan todo iso non son diferentes daqueles. Así imos aprendendo que non hai límites xeográficos na economía global: xa están aquí os salarios baixos, a desprotección social e as escasas restricións ambientais.
Agora entendemos que cando mercamos cousas que son baratas por ter sido producidas con salarios baixos e sen dereitos laborais, sen querer estamos dicindo ás empresas nas que traballan as nosas familias e amizades que baixen os salarios das persoas empregadas e pidan a redución dos seus dereitos se queren que compremos os seus produtos. Que cando mercamos cousas producidas empregando técnicas contaminantes, estamos dicindo ás empresas da nosa contorna que pidan aos nosos gobernos que lles deixen empregar esas mesmas técnicas para poder competir no mercado global.
Asumida a nosa propia responsabilidade, hoxe máis ca nunca, cómpre mirar o que mercamos, informarnos e, sempre que poidamos, consumir produtos de produción social e ambientalmente sustentable. Loitar así por unha economía xusta, salarios dignos, protección social e salvagarda da calidade ambiental, aquí e aló.
Ás veces -non sempre- é algo máis caro, pero o certo é que cando o comercio a maiores de xusto é local, xunto cos bens intercámbiase amizade, saberes e sentimentos. Así o comercio xusto e directo contribúe a ligar e fortalecer éticamente a sociedade: transfórmanos, substituíndo o egoísmo que rexe o sistema actual pola valoración do traballo e dos dereitos dos demais (persoas, animais, o ambiente…). Co tempo falamos de xustiza no canto de caridade, de dereitos no canto de limosmas. Lévanos a mudar o obxectivo marcado polo sistema (faite rico!) polo de compartir con xustiza o moito ou pouco que hai coa veciñanza planetaria. Axúdanos así a liberarnos da mesquindade e preocupacións da baleira vida que as veces levamos, abrindo a porta ao control do noso destino en función dun sentir novo e propio.
A maiores, o comercio xusto e local facilita a continuidade das iniciativas económicas existentes, axuda a manter e crear emprego, fomenta a aparición de novos produtos e a posta en marcha de novas explotacións ou de pequenas industrias de transformación. Supón así unha aposta pola capacidade de resistencia da sociedade local, polo seu empoderamento e pola auténtica soberanía.
Na nosa bisbarra moita xente leva tempo producindo, comerciando, consumindo e difundindo estas ideas. Por iso, e co obxecto de darlle un pulo favorecendo o contacto entre estas persoas, a ONG Amarante Setem, o grupo de consumo As Grelas e o Sindicato Labrego Galego temos organizado, coa colaboración do Concello de Ribadeo, un encontro comarcal o vindeiro sábado 11 de maio na Praza de Abastos.
Participarán nel persoas produtoras, comercializadoras e asociacións de consumidores e consumidoras da comarca, e incluirá un mercadiño, charlas e mesas de debate sobre barreiras e oportunidades para a promoción da produción e consumo destes produtos. Terá lugar de 11:00 a 15:00 da mañá, e será sen dúbida unha boa ocasión para coñecer quen son e como funcionan todas elas, de integrarse nalgún deses grupos, de coller ideas para transformar as nosas explotacións a ecolóxico, así como de establecer contactos entre quen produce, comercializa e consume.
Iván Rodríguez Lombardero
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
