“O Goberno Municipal está incumprindo a Lei de Facendas Locais e a Lei de Contratos”
Foz, 24 de maio de 2013.- O BNG de Foz acusa de mala xestión económica e de vulnerar a lei ao grupo municipal de goberno á vista do recoñecemento extraxudicial de crédito que presentou para aprobar na comisión informativa de contas celebrada onte. Hai que recordar que algo que so de forma excepcional se debería facer, como son os recoñecementos extraxudiciais, é un feito que no Concello de Foz ven sendo habitual desde hai anos, tanto por parte do anterior goberno como por parte deste.
O recoñecemento extraxudicial de crédito está composto por 244 facturas correspondentes a gastos realizados en exercicios anteriores, maioritariamente no 2012, que por distintas razóns non puideron imputarse aos orzamentos dos seus respectivos exercicios. O montante total das facturas é de 390.181,93 euros.
Como noutras ocasións, unha minoría deses gastos terían acomodo nos orzamentos do pasado ano e simplemente non foron aprobados no seu momento ben pola presentación da factura con retraso por parte do acredor ou ben por deficiencias no trámite administrativo das mesmas, cousa tamén habitual neste concello pero que non é causa grave. Estamos a falar de 86 facturas que ascenden a 168.322,95 euros as que están nesta situación.
Para o BNG de Foz, o que si é máis grave e preocupante é o que ocorre coa maioría destas facturas, as 158 restantes que facturan 221.858,98 euros, posto que nestes casos non existía a correspondente consignación orzamentaria cando se realizaron os gastos e polo tanto estívose vulnerando a Lei de Facendas Locais por parte do grupo de goberno en canto que prohibe adquirir compromisos de gastos por contía superior ao importe dos créditos autorizados nos estados de gastos. Dentro destas facturas tamén existen outro tipo de incumprimentos legais, principalmente aquelas que fan referencia a empresas que están prestando servizos e facturando ao Concello de Foz cando os seus contratos están caducados e polo tanto, vulnerándose a Lei de Contratos (caso dos contratos de recollida de lixo e de papel, limpeza de edificios municipais, mantemento de alumeado público, recadación de multas, mantemento de xardíns, servizo de axuda no fogar, etc.).
Tamén hai que botarlle en cara ao grupo de goberno que non está a cumprir coa obriga de prazos no pago das facturas por parte do Concello, incumprindo a normativa legal vixente que estaba establecido en 40 días. Segundo os informes xurídicos o tempo medio de pago no Concello de Foz no ano 2012 foi de 222 días e o período medio do pendente de pago excedido foi de 356 días, é dicir, case un ano. Así mesmo estase saltando a lei en canto á prioridade e orde de pagos.
Todo isto ben a darlle a razón ao BNG cando no debate dos orzamentos deste ano diciámoslle ao PP que elaborar uns orzamentos é fácil –facer cadrar ingresos e gastos- pero que o difícil é ter un control de gastos axeitado á realidade e restrinxido ás partidas que aparecen nos orzamentos, cousa que este goberno non é capaz de conseguir. Por iso, entre as propostas do BNG no debate dos orzamentos estaba unha maior restrición da vinculación dos créditos ou a implantación xeneralizada de propostas de gasto antes de realizalos para asegurarse de que existe crédito. Ningunha destas propostas foi aceptada polo grupo de goberno.
O BNG abstívose na comisión informativa á hora de votar o recoñecemento extraxudicial porque sería unha irresponsabilidade pola nosa parte negarlle a particulares e empresas o pago de servizos ou subministracións que fixeron. Pero si temos que denunciar e pedirlle unha rectificación inmediata no proceder do goberno municipal do PP, tanto no seu descontrol do gasto que fará diminuír os orzamentos deste ano como a súa irresponsabilidade actuando fóra da lei.
Moción de apoio a Diego Martínez, aprobada
Así mesmo, o BNG felicítase de que a Corporación Municipal de Foz, por unanimidade de todos os grupos políticos, votara a favor da moción de apoio a Diego Martínez Santos, o xove de Foz que foi premiado como o mellor físico experimental mozo de toda Europa.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
