O Seminario Galego de Educación para a Paz, diante do novo anuncio do Conselleiro de Educación e Ordenación Universitaria, Jesús Vázqued Abad, en relación coa prevención do Acoso Escolar e do Ciberacoso, presentado onte en Roda de Prensa, quere manifestar o seguinte:
1º.- A prevención e mellora da convivencia escolar, as medidas e protocolos para atallar o acoso e o ciberacoso, non poden facerse de maneira unilateral, á marxe da comunidade educativa e das súas organizacións representativas, pero -sobre todo- sen reunir o Observatorio Galego da Convivencia Escolar creado, nada menos que en 2007 (Decreto 85/2007), reiteradamente ninguneado pola Consellería nesta lexislatura e na anterior.
2º.- A Lei de Convivencia e Participación de 2011 foi fortemente rexeitada pola comunidade educativa e polos órganos de participación da mesma, particularmente polo Consello Escolar de Galicia, así como polo conxunto da sociedade civil, entre outras razóns, porque se utilizou, non para mellorar a convivencia e a participación como afirma o seu título, senón como un ariete contra do idioma propio de Galicia, coa famosa consulta ós pais sobre o noso idioma, a pesares dos recursos e das sentencias xudiciais reiteradas en contra de tal pretensión.
3º.- A Consellería de Educación, desde a chegada de Jesús Vázquez Abad a San Caetano, caracterizouse, en materia de convivencia escolar, por pasar olimpicamente de dialogar, escoitar ou negociar coa comunidade educativa e as súas organizacións, do vixente Observatorio da Convivencia ou do Plan Integral de Mellora da Convivencia Escolar, aprobado en 2007, logo dun amplo debate e que contou co apoio explícito e asinado de 70 entidades representativas da comunidade educativa, MRPs, organizacións de prevención, mediación, etc.
4º.- Logo da impresentable actuación da consellería e da inspección educativa no suposto episodio de acoso escolar nun centro concertado de Vigo, modelo paradigmático de como non se debe actuar diante da conflitividade escolar, pretende saír ó paso, cun titular de prensa e un anuncio, un máis, adiantando diante dos medios un protocolo de prevención, detección e tratamento elaborado á marxe da comunidade educativa e do Observatorio Galego da Convivencia Escolar, presentándose, ademais, como o campeón de España, nesa materia, evidenciando a súa tradicional forma de gobernar, vendendo fume, xogando ó despiste ou anunciando o descobremento do Mar Mediterráneo.
5º.- En medio das desastrosas consecuencias dunhas políticas educativas caracterizadas polos recortes drásticos, especialmente na educación pública, polo saqueo ás carteiras dos funcionarios docentes, o desmantelamento de servizos fundamentais como son, por exemplo, a estrutura de formación do profesorado en servizo, ou os de orientación, diversidade, así como polo aumento de ratios, diminución de profesorado, etc. ou pola falla de respaldo e apoio a exitosas experiencias de mediación e tratamento de conflitos en Galicia… o anuncio de onte, en materia de acoso e ciberacoso, non deixa de ser un mero exercicio de propaganda e de actuación unilateral á que tan habituados nos ten a consellería de educación.
Entregaron os agasallos a edil de Medio Ambiente, Mali Méndez, e o concelleiro Alfredo Fernández. 1º Premio: Banco de Loiba, de Diego Pérez Dopico. 2º Premio: Bolboretas: sementadoras de vida, de Germán Paleo Navarro e Paz, de Marcial Fernández. TOP CERVO: Ruínas, de Consuelo Fra Fernández e Paz, de Marcial Fernández. Mención especial para Adaoemam A Mariña "por ser sempre tan participativa en todas cantas iniciativas se promoven desde o Concello".
Este 5 de xullo, como todos os primeiros sábados de mes, reclamaron unha vez máis unhas pensións dignas.
Á cita acudiron máis dun centenar de persoas. No espectáculo, que atraeu a un numeroso público, realizouse unha viaxe emocional pola historia do mar galego, fiado a través de relatos reais e cantigas populares interpretadas en directo. A obra recupera vivencias de naufraxios na Costa da Morte, rendendo homenaxe tanto a quen perdeu a vida no mar como a quen quedou en terra: viúvas, orfos e persoas que prestaron auxilio, co obxectivo de que as súas historias non caian no esquecemento.
Resultaron gañadores na Categoría SUB 15: Los Reversos. Categoría Sénior: Doloringues. Entregaron as medallas os edís Alfredo Fernández e Adrián Arias. As actividades seguen o martes, 8 de xullo, coas Noites de Fútbol Praia.
Prolongarase ata a primeira semana do mes de setembro “co obxectivo de axudar na conciliación familiar e laboral ao longo de todo o verán”, explica a súa directora, Raquel Hermida. A Escola de Minitalentos, dirixida a nenos e nenas con idades comprendidas entre os 3 e os 12 anos, abre de oito da mañá a tres da tarde: “os asistentes poden incorporarse ás actividades e talleres ao longo da mañá”.
Tirando sempre de creatividade e imaxinación, tamén aproveitaron para saír a mercar froita ao Mercado que se celebra cada xoves na Praza dos Campos. Unha forma tamén de fomentar a alimentación saudable e a aprendizaxe activa.
Trátase dunha homenaxe que as universidades públicas galegas en colaboración coa Consellería de Educación renden ao estudantado con mellores expedientes de Galicia nas probas de acceso á universidade, sendo necesario acadar nota igual ou superior a 8,5 na fase xeral da PAU. O acto celebrouse na Universidade de Vigo o pasado 20 de xuño, onde lles foron entregados os diplomas que os acreditan como alumnado sobresaínte. Dende o IES de Ribadeo, parabéns aos homenaxeados polos resultados acadados e tamén a tódolos compañeiros e compañeiras que superaron a PAU polo esforzo realizado.
