O pasado xoves 16 de maio, o Seminario Galego de Educación para a Paz, fixo entrega, no Parlamento de Galicia, dunha carta dirixida á Presidenta do Parlamento Galego, Pilar Rojo, así como ós portavoces dos Grupos Parlamentarios do PP, PsdG-PSOE, AGE e BNG, na que reclaman a constitución da Ponencia Conxunta acordada na anterior lexislatura co obxecto de elaborar e aprobar, por acordo e por consenso, unha Lei de Fomento da Cultura da Paz de Galicia, xunto a unha proposta de texto elaborado.
Nun momento político, caracterizado pola confrontación máxima, polas acusacións mutuas de violencia, o Seminario Galego de Educación para a Paz considera oportuno retomar o acordo parlamentario da anterior lexislatura relativo á aprobación dunha lei que fomente a cultura da paz e a non violencia en Galicia.
Por iso, diríxense ó Parlamento argumentando que “durante os anos 2009 e 2010 mantivemos diversas reunións bilaterais e conxuntas en relación coa proposta do Seminario Galego de Educación para a Paz sobre a Lei de Fomento da Cultura da Paz de Galicia, da que achego, de novo, o texto borrador de referencia, cos precedentes da Lei catalana de 2003 e a española de 2005”.
En 2010, ademais, con motivo da celebración do Foro Mundial de Educación en Santiago de Compostela, tanto a Directora Xeral da UNESCO, Irina Bokova, como o ex- Director Xeral, D. Federico Mayor Zaragoza, presidente da Fundación Cultura de Paz, manifestaron o seu apoio á citada iniciativa. Mesmo trasladaron persoalmente aquela vontade á presidencia accidental da cámara e ós portavoces parlamentarios que se comprometeron a iniciar o procedimento para aprobar, por acordo e consenso, unha Lei destas características.
Na pasada lexislatura constitueuse unha Ponencia Conxunta con ese obxectivo. E na actual, con novas forzas políticas no Parlamento de Galicia, instamos á presidenta, Dª Pilar Rojo e ós grupos a que retomaran a pasada Ponencia Conxunta incorporando á Alternativa Galega de Esquerda quen manifestou, tamén, o seu desexo de participar activamente neste proxecto.
Por todo o anterior, solicitan do Parlamento de Galicia, da súa Presidencia e dos Portavoces dos Grupos Parlamentarios, a constitución da Ponencia Conxunta da Lei de Fomento da Cultura da Paz de Galicia e o inicio dos trámites precisos para que a citada lei sexa unha realidade na nosa Comunidade Autónoma.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
