Lourenzá, 28 de maio de 2013. A delegada territorial da Xunta en Lugo, Raquel Arias, destacou esta mañá o impulso ao cooperativismo por parte da Xunta durante a inauguración da exposición sobre este tema que se pode visitar dende hoxe ata o venres, día 31, na lonxa hortoflorícola de Lourenzá.
A Rede Eusumo, que puxo en marcha a Consellería de Traballo e Benestar para a dinamización do cooperativismo, posibilitou dende o ano pasado a creación de 21 cooperativas en toda Galicia. Así o destacou Raquel Arias durante a presentación da mostra Descubre as cooperativas en Lourenzá. Trátase dunha rede de asesoramento de economía social que busca incidir directamente na creación de novas cooperativas. Na actualidade conta con 6 centros de desenvolvemento e 16 oficinas de fomento cooperativo, onde se ofrece información, formación, orientación e asesoramento nas temáticas vinculadas ao cooperativismo. A través da rede tamén se levan a cabo análises e estudos; o fomento do autoemprego e o emprendemento cooperativo; o reforzo da presenza de asociacións e empresas de economía social en redes de cooperación de carácter nacional e internacional; e o apoio á internacionalización, o intercambio comercial e a cooperación empresarial.
“O noso apoio aos traballadores por conta propia e ás cooperativas é firme porque o Goberno galego está convencido de que son un eixo clave para a dinamización da nosa economía e para a creación de emprego”, apuntou Arias. Neste senso, a delegada sinalou que actualmente en Galicia existen preto de 1.200 cooperativas que agrupan a 90.000 socios.
Para apoiar ao cooperativismo, segundo indicou a delegada territorial, a Xunta está a destinar este ano 2,3 millóns de euros en diferentes liñas de axudas dos que 310.000 euros invístense nesta rede coa que, ademais, estase a potenciar especialmente o sector dos servizos sociais, xa que é un dos eidos potencias de creación de emprego en Galicia. “A Rede Eusumo ofrece un apoio específico para fomentar empresas de economía social neste sector”, indicou Raquel Arias.
Así mesmo, no eido do cooperativismo, Arias fixo referencia tamén a que ao longo deste mesmo exercicio porase en marcha a marca Coopera, que axudará a facer máis visible a aquelas cooperativas que están realizando unha boa xestión.
A mostra presenta as potencialidades e solucións que ofrecen as cooperativas como un modelo empresarial que, pola súa versatilidade e capacidade de adaptación, está demostrando ser capaz de manter e crear empregos na actual situación de crise económica. Ao longo de espazo expositivo, os visitantes poderán achegarse ao cooperativismo agrario, ao autoemprego cooperativo, ou mesmo comprobar se teñen madeira de cooperativista, nunha exposición marcada polo seu carácter interactivo e dinámico.
A alcaldesa de Lourenzá, Emma Álvarez, explicou que a exposición “vai estar durante esta semana na lonxa hortoflorícola e pretendemos que veña o maior número posible de xente a visitala. Por ese motivo estará aberta en horario que nós cremos que non é laboral para que aquelas persoas que están traballando poidan vir e ter unha atención personalizada, posto que vai haber unha rapaza da Consellería en horario de 12:00 a 15:30 e de 17:00 a 22:00 tódolos días”.
“Trataremos de convencer a un grupo de fabeiros para facer unha visita guiada por esta exposición pois consideramos que é unha necesidade palpable asociarnos para comercializar en conxunto a faba de Lourenzá”, explicou Emma Álvarez, quen opina que “a fórmula da cooperativa é unha gran opción para a comercialización da faba, pero non soamente para iso, senón tamén para emprendedores. Por ese motivo invitamos a colexios e institutos para que traian aos seus alumnos a coñecer esta mostra, porque moita xente que está estudando e cando acaba a carreira atópase con que non ten onde traballar igual necesita un empuxón para, xunto con outras persoas, propoñerse facer unha cooperativa e emprender algo rendible que ao final vai redundar no ben de todos, pois o que importa é xerar economía para que a sociedade avance”.
Ademais da delegada territorial da Xunta e da alcaldesa na inauguración da exposición estivo o concelleiro laurentino de Medio Rural, Antonio Reigosa.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
