Lourenzá, 26 de xuño de 2013. Na reunión da comisión de goberno do Concello de Lourenzá celebrada hoxe acordouse sacar a concurso outra vez a explotación da cafetería do centro de servizos sociais, porque na anterior convocatoria quedara deserta. Tamén foron aprobadas as bases para a contratación de 8 persoas que se dedicarán á prevención e extinción de incendios.
En canto ás bases para a contratación de 8 traballadores que, en colaboración coa Xunta de Galicia, van contribuír á prevención e extinción dos incendios forestais a alcaldesa de Lourenzá, Emma Álvarez Chao, explicou que “por un lado sacamos as bases para tres condutores da motobomba, que traballarán dende o 15 de xullo ata o 30 de outubro; e por outra parte sacamos para a brigada de prevención e extinción, que se encargará da roza de 5 hectáreas de terreo de titularidade municipal ou de descoñecidos e na que haberá un xefe de brigada e catro peóns condutores”.
A rexedora municipal engadiu que o Concello fará unha oferta pública ao Inem, que será “o máis ampla posible para que toda aquela persoa que está no paro teña a oportunidade de optar. Presentaremos a oferta cun mínimo de 2 persoas e un máximo de 10 por posto”.
Sobre a explotación da cafetería do centro de servizos sociais, coñecida como o bar do Torreón, Emma Álvarez lembrou que “xa saíra a concurso hai aproximadamente un mes e quedara deserto, polo que dende o equipo de goberno optamos por rebaixar o prezo de saída e dentro de tres ou catro días sairá publicado no Boletín Oficial da Provincia cun prazo de 7 días para que os interesados presenten as súas propostas no Concello”.
As bases de todas estas convocatorias serán publicadas tamén na páxina web do Concello de Lourenzá.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.