O equipo da Asociación de Axuda ao Enfermo Mental da Mariña obtivo a fin de semana pasada a meritoria quinta praza no VII Campionato de Balompé Todos polo Fútbol en Narón, arroupado pola meta do Burela FS Pescados Rubén Patri. O título da cita que coordina a Federación de Asociacións de Familiares e Persoas con Enfermidade Mental de Galicia (Feafes) recaeu na asociación Lenda de Redondela.
O campionato tivo lugar no pavillón da Gándara ao longo de toda a xornada do sábado coa asociación Afaes Portanova como anfitrioa e organizadora do campionato. Completaron o palmarés Lar, de Vilargarcía de Arousa, coa Prata, e Apem A Coruña e Alba, como terceiros clasificados. O cuarto posto foi para Portanova, o sexto para Morea O Barco, o sétimo para Doa e Apem Cambre pechou a clasificación.
Entre os recoñecementos destacou o xogador de Lenda Brais Lourido Mariño co Trofeo de Máximo Goleador, mentres que José Antonio Fernández Barral, de Apem A Coruña, foi galardoado como Mellor Xogador.
Xunto á gardameta laranxa Patri, na entrega de premios tamén participaron o director de Feafes Galicia, Antonio Hernández Fernández, e o presidente de Afaes Portanova, Félix Pena Calvo.
O obxectivo deste campionato, como clausura da liga que comezou en marzo e reuniu 9 equipos de 8 asociacións galegas, é promover o deporte en igualdade, impulsar a práctica de deporte entre as persoas con enfermidade mental e loitar contra o estigma social que padece este colectivo.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
