Lugo, 29 de xuño de 2013.- O Goberno galego, a través da Consellería de Medio Ambiente, Territorio e Infraestruturas, continúa cos traballos encamiñados á conservación e recuperación da troita nos ríos da provincia de Lugo. A delegada territorial da Xunta en Lugo, Raquel Arias, destacou que ao longo deste mes de xuño e do de xullo, o departamento autonómico desenvolve “un importante traballo para facilitar a recuperación destas especies nas concas fluviais da provincia”.
Estas actividades, que se enmarcan no programa do Plan de Recuperación das Poboacións ameazadas destas especies, permiten impulsar a repoboación con especies autóctonas en máis dunha quincena de tramos de ríos do territorio lucense. Así, na planificación que levan a cabo técnicos de Conservación da Natureza está prevista a actuación en treitos do Eo, Masma, Landro, Ouro, Miño, Navia, Parga, Lor, Cancelada, Ser, Narón, Larxentes e Loio.
No plan de recuperación das poboacións de troita común autóctona e de salmón nos ríos de Galicia, emprégase a técnica das repoboacións só naquelas situacións onde o proceso natural poida resultar imposible ou dunha duración excesiva.
No resto dos casos procúrase que sexan as poboacións existentes na mesma conca fluvial as responsables de colonizar os treitos afectados por episodios de mortalidade.
Nestes meses, realizaranse diversas soltas de alevíns de troita común e salmón procedentes dos criadeiros específicos destas especies que a Xunta ten no Veral (Lugo) –especializado nas liñas xenéticas de troita do Miño Alto e da Mariña- e Goó (O Incio) –centrado na liña xenética de troita do Sil-, onde se obteñen as crías grazas á reprodución de exemplares autóctonos de troita e salmón que foron capturados nos propios ríos con anterioridade.
Así, Arias indicou que, ao remate das distintas soltas dispostas, teranse liberado para facilitar a repoboación destas especies arredor de 89.000 alevíns de troita común e 110.000 de salmón atlántico.
Entregaron os agasallos a edil de Medio Ambiente, Mali Méndez, e o concelleiro Alfredo Fernández. 1º Premio: Banco de Loiba, de Diego Pérez Dopico. 2º Premio: Bolboretas: sementadoras de vida, de Germán Paleo Navarro e Paz, de Marcial Fernández. TOP CERVO: Ruínas, de Consuelo Fra Fernández e Paz, de Marcial Fernández. Mención especial para Adaoemam A Mariña "por ser sempre tan participativa en todas cantas iniciativas se promoven desde o Concello".
Este 5 de xullo, como todos os primeiros sábados de mes, reclamaron unha vez máis unhas pensións dignas.
Á cita acudiron máis dun centenar de persoas. No espectáculo, que atraeu a un numeroso público, realizouse unha viaxe emocional pola historia do mar galego, fiado a través de relatos reais e cantigas populares interpretadas en directo. A obra recupera vivencias de naufraxios na Costa da Morte, rendendo homenaxe tanto a quen perdeu a vida no mar como a quen quedou en terra: viúvas, orfos e persoas que prestaron auxilio, co obxectivo de que as súas historias non caian no esquecemento.
Resultaron gañadores na Categoría SUB 15: Los Reversos. Categoría Sénior: Doloringues. Entregaron as medallas os edís Alfredo Fernández e Adrián Arias. As actividades seguen o martes, 8 de xullo, coas Noites de Fútbol Praia.
Prolongarase ata a primeira semana do mes de setembro “co obxectivo de axudar na conciliación familiar e laboral ao longo de todo o verán”, explica a súa directora, Raquel Hermida. A Escola de Minitalentos, dirixida a nenos e nenas con idades comprendidas entre os 3 e os 12 anos, abre de oito da mañá a tres da tarde: “os asistentes poden incorporarse ás actividades e talleres ao longo da mañá”.
Tirando sempre de creatividade e imaxinación, tamén aproveitaron para saír a mercar froita ao Mercado que se celebra cada xoves na Praza dos Campos. Unha forma tamén de fomentar a alimentación saudable e a aprendizaxe activa.
Trátase dunha homenaxe que as universidades públicas galegas en colaboración coa Consellería de Educación renden ao estudantado con mellores expedientes de Galicia nas probas de acceso á universidade, sendo necesario acadar nota igual ou superior a 8,5 na fase xeral da PAU. O acto celebrouse na Universidade de Vigo o pasado 20 de xuño, onde lles foron entregados os diplomas que os acreditan como alumnado sobresaínte. Dende o IES de Ribadeo, parabéns aos homenaxeados polos resultados acadados e tamén a tódolos compañeiros e compañeiras que superaron a PAU polo esforzo realizado.
