O Presidente da Deputación de Lugo, José Ramón Gómez Besteiro, reiterou este xoves que quere unha entrevista “canto antes” co titular do Goberno galego, Alberto Núñez Feijóo, para “falar do futuro da provincia de Lugo”. Besteiro lembrou esta mañá que o pasado luns solicitou formalmente de novo unha xuntanza inmediata co Presidente autonómico co fin de consensuar o cofinanciamento dos servizos sociais en todos os Concellos lucenses e a posta en marcha das políticas activas de emprego, pero tamén outras “cuestións máis importante se cabe aínda, relacionadas co futuro da provincia”.
Gómez Besteiro subliñou neste senso que hai “temas nos que a Xunta non pode mirar hacia outro lado, problemas serios da provincia, como a emigración, a caída demográfica ou o medio rural, é dicir, se somos ou non capaces de ter un proxecto para potenciar o sector primario e para pechar ciclos de produción”.
Como outras iniciativas fundamentais a abordar con Feijóo, o mandatario provincial apuntou tamén a rede provincial de residencias da terceira idade e centros de día. “A Deputación segue para adiante con este proxecto, pero sen o apoio da Xunta, e iso débeno saber os lucenses”, argumentou Besteiro, engadindo que a Administración galega “non está disposta a concertar prazas nos nosos centros, algo inaudito, único en España, que ante un proxecto público de residencias da terceira idade, a Xunta persista na actitude de non querer concertar prazas. Non lle pedimos, nin axuda para construílas, nin para a súa xestión, senón que apoie un proxecto público, pero visto o visto, o Goberno autonómico séntese máis atraído polos proxectos privados, que por fortalecer o sector público e respaldar unha iniciativa de Deputación e Concellos”.
O Presidente indicou que “outros problemas serios” da provincia son tamén a reindustrialización e facer unha política realista de transferencia da rede viaria pública”.
O titular do organismo lugués confía en que Núñez Feijóo, “a pesar de ser doutro partido político”, responda por fin á súa petición de entrevista: “Sería moi triste que se acordara soamente dos seus. Eu, nestas cuestións non distingo, e creo que o Presidente da Xunta tampouco o debería facer”.
“A Xunta está buscando submisión en todo o que plantexa”
Con respecto ós convenios sobre servizos sociais e políticas activas de emprego, Besteiro reclamou unha relación “de igual a igual entre administracións, e non submisión, que creo que é o que a Xunta está buscando para todo o que plantexa”. “A figura do convenio supón un acordo de vontades, polo tanto, chegar a unha aproximación, non a submisión”, engadiu, lembrando que “noutros moitos campos, como a xestión de emerxencias ou a transferencia dos hospitais si chegamos a acordos”.
Neste senso, lembrou que na aplicación do protocolo que Xunta e Deputación asinaron hai máis dun ano para “regular as nosas relacións en materia de emprego, servizos sociais e emerxencias” -ó que se incorporaron unha serie de consideracións realizadas pola institución luguesa-, “hai unhas partes que se cumpriron e outras que non. O que pedimos única e exclusivamente é que se cumpra o espírito e a letra dese protocolo, e que cando unha administración cuestiona o contido dun convenio se lle conteste”.
Recordou así mesmo que a Deputación ten presentado un contencioso administrativo á Xunta porque “non estamos de acordo coa aplicación que fai da Lei en materia de servizos sociais, esa decisión de que, dun día para outro, as competencias sexa das Deputacións, iso si, sen transferencia de cartos. Isto para nós sería moi fácil facelo cos Concellos: liberarnos de competencias e non transferir cartos”. A presentación do contencioso, sinalou, “pode gustar ou non, pero é lexítimo no Estado en que vivimos que cando hai unha discusión sobre calquera tipo de decisión se poida levar á vía xudicial”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
