Foz, 20 de xuño de 2013. No Concello de Foz foi clausurado hoxe o obradoiro de emprego de xardinería e atención sociosanitaria, que se desenvolveu durante seis meses. O alcalde, Javier Jorge Castiñeira, destacou o labor realizado polos alumnos, os profesores e o director, que contribuíron a facer varias melloras en diferentes lugares do municipio.
“Hoxe clausurouse o obradoiro de emprego Punta Ventoeira, do Concello de Foz, e os resultados foron excepcionais, con seis meses de moi bo traballo por parte dos propios alumnos, que aparte de aprender un oficio de xardinería ou de atención sociosanitaria ademais colaboraron moitísimo traballando cos empregados municipais arreo. Pero desde logo tamén houbo un labor excepcional por parte dos profesores e do director”, manifestou o rexedor local.
Javier Castiñeira explicou que “os resultados son evidentes. No obradoiro de xardinería melloráronse dous parques que estaban nunhas condicións lamentables. A actuación máis importante fíxose no parque da praza Martínez Otero, que está nas proximidades da parada de taxis. Este dotouse de rego e cambiouse totalmente a súa morfoloxía. Houbo unha actuación tamén importante nas Torres, na urbanización As Lagoas, onde tamén se dotou de rego, mellorouse o céspede e as plantacións. Ademais colaboraron no arranxo de varias zonas verdes, como na Rapadoira”.
O alcalde engadiu que “no aspecto sociosanitario o traballo foi excelente: no banco de alimentos, no roupeiro municipal, melloráronse as instalacións cedidas polo Ministerio de Medio Ambiente, onde estaban antigamente as oficinas de Costas; fíxose un traballo boísimo no asilo, cunha colaboración de 4 persoas durante estes seis meses; e traballouse coa asociación de discapacitados Virxe do Carme no seu local, na Casa do Mar”.
“A pena foi que só durou seis meses”, dixo Castiñeira, quen anunciou que “ estamos preparando o seguinte obradoiro, para o que xa se presentou a documentación, e desde logo é importantísimo para Foz ter este tipo de formacións. Temos a esperanza de que se aprobe este novo obradoiro e seguiremos traballando no pobo, mellorando as zonas verdes e a actividade sociosanitaria”.
O rexedor tamén deu a coñecer que “dentro de dez días empezará o novo curso de xardinería, tamén subvencionado por parte da Consellería de Traballo, que está facendo un esforzo importante neste tipo de obradoiros e de cursos de formación”.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
