A peche Haydee Agras Moral despídese das pistas de xogo colgando a camiseta laranxa, despois de dúas tempadas na Mariña. A punto de cumprir os 29 anos, a viguesa emprenderá unha nova aventura persoal e profesional en Kuwait.
“Decidín que este era o momento; xa son moitos quilómetros enriba, co hándicap do xeonllo, que xa non responde igual tras a lesión. O dobrete é a guinda perfecta á miña carreira deportiva; o soño de calquera deportista é pechar así a súa traxectoria”, explicou deste xeito a xogadora a súa decisión.
Haydee, que finalizará oficialmente contrato coa entidade laranxa o 30 de xuño, agradeceu o interese do Burela FS para a súa continuidade. “Síntome honrada con que o club quixera seguir contando comigo, pola proposta de renovación e polo tratamento recibido, pero é momento de ter unha nova vida; en Kuwait centrareime no meu doutorado, sobre Fútbol de Alto Rendemento, e tamén traballarei” falou así do seu futuro a ex do UCAM Murcia. A aínda xogadora laranxa dille adeus á costa de Lugo dando as grazas “ao club e a toda a xente que forma parte do proxecto por ter a oportunidade de pasar á historia do deporte da Mariña e de Lugo, nunha etapa na que a pesar de chegar xa con experiencia aprendín moito tanto das excelentes compañeiras e boas xogadoras coma do corpo técnico”.
“Nunca esquecerei a sensación de saltar á pista na final de liga ante o Navalcarnero e sobre todo o cariño da afección pola rúa, interesándose todos os luns por nós e dándonos ánimos. Para min foi un verdadeiro pracer xogar en Vista Alegre”, concluíu Haydee.
A estrutura burelista agradece a profesionalidade e entrega da xogadora durante estas dúas tempadas, desexándolle a mellor das sortes na súa nova andadura.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).