Coa chegada do verán, o veleiro Laion iza as velas e inicia as súas travesías pola costa galega facendo posible que todas as persoas, sen exclusións, poidan vivir a experiencia da navegación.
Durante o mes de xullo, o Laion vai percorrer a distancia de 425 millas náuticas en 20 días, atracando en 8 clubs náuticos para subir a bordo a máis de 200 persoas usuarias dun total de 13 entidades e centros que este ano queren recibir os seus bautismos de mar.
A navegación do Laion forma parte do Proxecto GAVEA (Galicia Vela Adaptada) que organiza cada verán a Federación de Asociacións de Persoas con Discapacidade da Provincia de A Coruña (COGAMI Coruña), entidade membro de COGAMI e que ten en garda e custodia o veleiro dende o ano 2002, cando a Audiencia Nacional llo requisou ao narcotráfico. A Fundación La Caixa é quen patrocina a actividade.
ENTIDADES E HORARIOS DOS BAUTISMOS DE MAR
A primeira travesía inicia o luns, 1 de xullo, cando a tripulación trasladará o barco dende o club náutico de Ribadeo ata o de Viveiro. O 2 de xullo, ás 11:00 horas, persoas usuarias da asociación A Mariña-COGAMI van ser as primeiras en abrir a tempada de verán durante un paseo pola ría.
Despois desta entidade, chegan outras que están preto dos portos nos que vai atracar o veleiro. A seguinte singradura é ata Ferrol, onde o día 4 de xullo ás 11:00 horas e ás 16:00 horas van embarcar persoas usuarias do centro que COGAMI ten na cidade. Os días 5 e 6 de xullo tamén permanecerá en Ferrol realizando saídas á ría con persoas usuarias de COGAMI-Ferrol e da asociación Asem Galicia.
O 8 de xullo o Laion vai atracar en Camariñas para realizar dúas travesías pola ría coas persoas usuarias da entidade Íntegro de Cabana de Bergantiños, Soneira e Fisterra. Ás 11:00 horas e ás 16:00 horas son os horarios programados para o embarque e a chegada prodúcese despois de tres horas de navegación, como en todos os bautismos realizados durante o mes.
O 10 de xullo atracará no club náutico de Muros para realizar dúas saídas coas persoas usuarias da asociación ADISBISMUR, tanto o mércores como o xoves, 11 de xullo.
O 13 de xullo as travesías van iniciar no club náutico de Ribeira con persoas usuarias da entidade Asdivalu de Valga que van embarcar ás 11:00 horas.
O 14 de xullo, no club náutico San Vicente do Mar embarcan ás 16:00 horas persoas usuarias da entidade Avanzar das comarcas Umia-Ulla. Ao día seguinte, o 15 de xullo, vai ser a asociación Anduriña de O Salnés a que poida gozar da navegación a partir do embarque das 11:00 horas e o día 16 de xullo van ser persoas usuarias do centro de recursos que COGAMI ten en Mos e que embarca un grupo pola mañá e outro pola tarde.
O 17 e 18 de xullo o Laion vai estar atracado no club náutico de Moaña para realizar as saídas pola ría de Vigo con persoas usuarias da asociación Doa Cangas que embarcarán en dúas quendas tanto ás 11:00 como ás 16:00 horas. Ao día seguinte, persoas usuarias de COGAMI en Vigo embarcarán pola mañá e, pola tarde, van ser da entidade Amizade de Pontevedra.
O Laion, de 13 metros de eslora, ten capacidade máxima para 9 persoas: 2 tripulantes, 5 participantes con algunha discapacidade e outras 2 persoas acompañantes. A tripulación do Laion está formada por persoas voluntarias que ceden desinteresadamente o seu tempo libre para participar neste proxecto.
A embarcación conta con adaptacións para facer practicable a navegación, como un guindastre instalado na botavara que permite embarcar ás persoas con mobilidade reducida dende o pantalán ata uns backets instalados na bañeira do barco. O control da embarcación conta cun winche eléctrico que se activa a través dun pulsador, permitindo a gobernación do barco a calquera persoa.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
