Lugo, 26 de xuño de 2013. O director xeral de Industria Agroalimentaria do Ministerio de Agricultura, Alimentación y Medio Ambiente (MAGRAMA), Fernando Burgaz, presidiu esta mañá a reunión do Padroado da Fundación Centro Tecnolóxico Agroalimentario de Lugo –CETAL-, acompañado polo director xeral da citada fundación, Javier López Viana. Na mesma presentouse e analizouse o estado de execución do Plan de actuación 2013, fixado no Padroado do 27 de xuño do ano pasado. Dende esa data desenvolvéronse varias actuacións nas catro liñas prioritarias do Plan: sector lácteo, control da calidade do aceite de oliva, seguridade alimentaria e mellora xenética.
No ámbito do sector lácteo, subscribiuse un convenio coa Interprofesional Láctea (INLAC) para a realización dun estudio de viabilidade da implantación dun sistema integral de autocontrol, cun calendario de execución previsto de xullo a novembro. Así mesmo, o CETAL está revisando co MAGRAMA o modelo de informe mensual provisional que elaborou en calidade de organismo encargado do Observatorio Nacional de Prezos no sector lácteo. Tamén a Fundación deseñou e lanzou a marca “Productos Lácteos Sostenibles”.
Productos Lácteos Sostenibles
Hai que recordar que o pasado 12 de febreiro deste ano, 14 industrias lácteas, 9 empresas da distribución e o MAGRAMA asinaron o Convenio de colaboración para a implantación e desenvolvemento dun programa de produtos lácteos sostibles. O obxectivo é cooperar e colaborar a favor do sector lácteo para lograr un funcionamento eficiente e sostible das cadeas de valor do leite e os produtos lácteos, mellorando a percepción do consumidor dos produtos lácteos como produtos de alto valor nutritivo e de calidade, mediante os instrumentos promocionais adecuados, e garantindo a sustentabilidade a longo prazo do sector.
Coa posta en marcha deste programa, o Ministerio busca garantir a sustentabilidade do sector e retribuír, de maneira proporcionada, o valor que engaden todos e cada un dos compoñentes da cadea de subministro de leite e produtos lácteos, seguindo os principios do comercio responsable.
Control de calidade do aceite de oliva
Respecto á segunda liña de actuación do CETAL, asinouse un convenio co MAGRAMA para comezar o estudo e a caracterización da calidade do aceite de oliva virxe, e estase realizando coa Universidade Politécnica de Madrid, e coa colaboración do centro de investigación IRSTEA – ITAP de Montpellier (Francia), o estudo de tecnoloxías instrumentais non destrutivas aplicadas á determinación da calidade do aceite de oliva virxe.
Seguridade alimentaria
O avance do Plan 2013 en materia de seguridade alimentaria concretouse a través do inicio dos trámites para a instalación do Laboratorio de Seguridade Alimentaria para o diagnóstico dos principais patóxenos bacterianos de transmisión alimentaria (LSA-CETAL). Actualmente estase estudando a aprobación da proposta de monitoreo microbiolóxico na produción primaria de alimentos vexetais en España (tomates, pepinos e leitugas).
Por último, o CETAL mantivo reunións coa Dirección General de Producciones y Mercados Agrarios e coa Secretaría General de Medios de Producción Ganaderos para pechar o cronograma de 2014 de actuacións en mellora xenética, a implantar en colaboración co MAGRAMA.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
