Ana Ermida.- Nos últimos días, comezamos a detectar certa preocupación na cidadanía mariñá ante a desaparición do popular (en todos os sentidos) José Manuel Balseiro. Acostumadas como nos ten á súa locuacidade, leva unhas semanas que poderían ser de vacacións previas ás estivais.
Falamos do señor Balseiro porque se tiña convertido no referente popular na Mariña, pasando do azoute continuo dun goberno bipartito que aínda colea no discurso do PP ao excelente comercial que vendía as bondades (cando non as vontades) á cidadanía dun goberno do Partido Popular incapaz de cumprir coa Mariña. Pero poderíamos preguntarnos onde están o resto de cargos populares con responsabilidades para con esta comarca.
Podemos preguntarnos desde onde está o señor deputado en Madrid Jaime de Olano (ademais de axudando a consumar o roubo ao aforro das persoas estafadas polas preferentes co seu apoio á quita), onde está o outro parlamentario popular no Parlamento Galego, Vidal Martínez-Sierra ata onde está o xa famoso delegado de deportes, Manuel Otero (coñecido nos círculos deportivos pola súa carta de presentación “chamade para as fotos, pero non para pedir cartos”). Non podemos esquecernos tampouco de preguntar onde están os alcaldes e alcaldesa do Partido Popular na Mariña. Porque desde a rebelión nas súas filas ante a ameaza da redución dos salarios, non volveron a aparecer.
Non aparece o Partido Popular ante a situación de emerxencia que está a vivir a nosa comarca. Quizais como estratexia para non saír perdendo como partido, por non queimar ao PP a costa de queimar á xente, optan por facer “mutis polo foro” e nin sequera posicionarse en cuestións tan importantes como os problemas da sanidade ou de emprego que se están a vivir na Mariña.
Onde está o Partido Popular para reivindicar a autonomía da área sanitaria da Mariña? Onde está o Partido Popular para garantir o mantemento da asistencia sanitaria primaria como, por exemplo, no caso de Cervo? Onde está o Partido Popular ante a continua sangría de perda de empregos na comarca? Onde está o Partido Popular ante a perda da capacidade adquisitiva que propón a pouca empresa que queda na comarca @s seus traballador@s? Onde está o Partido Popular ante a ameaza de que a Mariña quede “de facto” sen Xulgados en Mondoñedo e Viveiro e queden reducidos a simples oficinas xudiciais? Onde está o Partido Popular ante o desmantelamento da oficina da Axencia Tributaria de Foz?
E a pregunta final: onde está o partido do goberno nun momento no que A Mariña está en plena descomposición?
É esta a actitude e a responsabilidade que se agarda dun partido que está no goberno e que, se entende, debera ter como obxectivo a defensa das mulleres e homes deste País? É esta a responsabilidade dos representantes dunha comarca que pasa por un dos seus peores momentos? Para que queremos un goberno que nin goberna nin sequera aparece para dar a cara e amosar a súa responsabilidade para o posto no que os colocou a cidadanía?
Fronte á resposta social que está a xurdir ante todas estas problemáticas, as persoas que teñen o encargo de gobernar este País e esta comarca (que non se esquezan) convertéronse en invisibles. Será esta a transparencia da que tanto presumen? Ou será que fan bo aquel dito galego de que quen cala, outorga?
Ana Ermida
Responsábel comarcal do BNG
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
