Antonio Pillado Álvarez.- Os cidadáns de Cervo estamos a vivir directamente os recortes en Sanidade do goberno da Xunta de Galicia. Aproveitaron que se xubilaba un dos facultativos para roubarnos unha praza no concello, e fixérono como nos teñen acostumado, con noturnidade e alevosía, sen aviso previo, intentando desmantelar un dos centros de saúde. Menos mal que as noticias hoxe voan e os cidadáns puxémonos a traballar en contra desta decisión e conseguimos paralizar este desmantelamento. A día de hoxe mantemos as mobilizacións porque aínda temos pendente manter os 4 facultativos que tiñamos e que consideramos necesarios. Hai quen intenta xustificar o recorte con Ratios e con frases coma “Con menos vamos mellorar” para min “recortar non é mellorar”.
Hoxe (xoves 20.06.13) ás 13:00 horas temos un pleno extraordinario solicitado pola oposición, espero ver moitos veciños no salón de actos para presionar ós nosos representantes a que se poñan do lado dos seus veciños que son os que os elixen. Hai que decirlles que a xente existe, que necesita solucións e esperanzas dunha vida plena e que ofertar miseria e apostar por unha sociedade submisa é pegarse un tiro. A miña pregunta é: de que valen uns políticos que non se poñen á fronte das necesidades dos cidadáns que os elixen?
Aínda que a sanidade non é competencia dos Concellos, estes teñen o deber ético de apoiar as demandas dos seus veciños e ademais recórdolles ós gobernantes do Concello de Cervo que se son capazes de xustificar os recortes, nun servizo de primeira necesidade como e a sanidade, como van poder xustificar tantas dedicacións (soldos) dos concelleiros nun Concello de menos de 5.000 habitantes? Cumprirán ratios? Ou mesmo a existencia dun gabinete de prensa no Concello que nos costa a tódolos veciños ao redor de 2.000 euros ao mes. Este si é un servizo necesario?
Veciños, é necesario berrar alto e claro que ¡basta xa de destruír o estado do benestar! ¡Basta xa de roubarnos as conquistas que tanto sudor e esforzo costaron!
Os veciños de cervo “NON QUEREMOS PERDER FACULTATIVOS”.
Antonio Pillado Álvarez
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.