Lugo, 5-7-2013.- Logo de que na Xunta de Goberno deste venres 5 de xullo se aprobase o convenio que rexerá a colaboración entre a Deputación de Lugo e NGB en materia de prestación de servizos entre o Organismo Provincial e esta Entidade Financeira en materia de recadación voluntaria e executiva dos ingresos de dereito público dos que o Ente provincial ten encomendada a xestión de recadación, a voceira do GPP na Deputación de Lugo, Elena Candia, asegurou que este convenio da continuidade á colaboración entre esta entidade bancaria e a Deputación Provincial de Lugo, tendo en conta, esencialmente e primordialmente, a maior implantación física da entidade financeira nas Comunidades Autónomas, especialmente na provincia de Lugo.
Elena Candia acusou a Besteiro de enganar aos estafados polas preferentes asumindo compromisos que logo incumpre e lembrou que no pasado pleno provincial, Gómez Besteiro e os seus socios de goberno, ameazaron a NGB con que, si no prazo dun mes non devolvía o 100% da cantidade aos estafados polas preferentes romperían a relación comercial con esa entidade, sen embargo, esta mañá aprobouse un convenio para renovar, por período dun ano, o convenio con Nova Galicia Banco.
Criticou a popular que das cláusulas deste convenio non se desprende ningún tipo de condicionante ao anunciado no pasado pleno provincial, onde o señor Besteiro e os seus socios de goberno, ameazaban a NGB con que si no prazo dun mes non devolvía o 100% da cantidade aos estafados polas preferentes rompería a relación comercial con esa entidade. (Cita textualmente da proposta de acordo: “requerir a Novagalicia Banco que, no prazo dun mes, inicie a devolución íntegra dos aforros dos afectados e afectadas polas participacións preferentes e obrigacións subordinadas. De non producirse este reintegro a Deputación procederá a cancelar os acordos vixentes coa entidade, tendo en conta a aplicación de criterios obxectivos e a preservación dos intereses da provincia”.)
A popular tachou esta actuación de “falta de respecto” porque coa sinatura do convenio de hoxe, renóvase, por período dun ano, o convenio con Nova Galicia Banco.
“O presente convenio terá vixencia dende a data da sinatura do mesmo ata a igual fecha do ano seguinte, podendo ser prorrogado por idénticos períodos”- manifestou Candia, quen lembrou que ao seu grupo “esta medida parecíalles demagóxica e alertaba de que si tódolos clientes fixesen o mesmo levaríamos a entidade bancaria a unha descapitalización, feito que evidentemente poría en risco maior, non só aos preferentistas, senón tamén ao resto dos clientes da entidade financeira”.
Candia tamén lembrou que na pasada sesión plenaria os populares afirmaron que estes anuncios, feitos en outras entidades locais (por exemplo, en Pontevedra), non se materializaron, o que leva a concluír que por parte de Besteiro e do PSOE, e de Antonio Veiga e o BNG, nas súas actuacións, reflíctese que están a xogar coa preocupación e drama dos estafados polas preferentes.
Elena Candia lamentou a pouca seriedade por parte do Señor Besteiro e dos seus socios de goberno, que están a xogar e a enganar aos afectados polos productos híbridos.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
