O martes 23 de xullo ás 12:30 h. a delegada da Xunta en Lugo, Raquel Arias, presidirá a presentación da Memoria de Actividades do 2012 dos Centros que as Hijas del Divino Celo-Rogacionistas teñen en Burela. Nesta memoria recóllense datos dos tres centros que traballan nos ámbitos da protección de menores, o Centro de Día e a Casa de Familia San Aníbal, xunto co Centro de Acollida e Inclusión Social María Nazarena. No ano 2012 atendéronse de forma directa a 37 persoas (29 nos Centros de Protección e 8 no Centro de Acollida) e tendo en conta a atención prestada ás súas familias hai que contar con outro cento de beneficiarios. Ao longo do ano invertiuse algo máis de 500 mil euros, sendo un ano moi especial; xa que se conseguiu que a Mariña contase cun novo recurso, a Casa de Familia, onde todos os seus usuarios son dos concellos da zona, evitando que tivesen que atendérselles en Lugo, facendo moito máis difícil o retorno ás súas familias biolóxicas.
Memoria de actividades nos Centros das Hijas del Divino Celo
Memoria de actividades nos Centros das Hijas del Divino Celo
Relacionado
-
Co gallo do Día de Europa, Estefanía Molina impartirá unha conferencia na UNED de Lugo
-
Obradoiro de Educación emocional e técnicas de relaxación o 24 de maio ás 10:30 no Centro Sociocultural de Alfoz
-
A deputada de Cultura Iria Castro asistiu este mércores á Festa daFilloa, que reuniu no recinto feiral de Muimenta centos de veciños evisitantes arredor desta receita tradicional