CERVO, 20 DE XULLO. A Comisión Veciñal en Defensa da Sanidade en Cervo reuniuse o venres día 19 co alcalde, Alfonso Villares, para trasladarlle as inquietudes e demandas que recibe a diario dos diferentes colectivos que a forman, así como para lembrarlle “o noso interese por manter unha reunión coa Conselleira de Sanidade, Rocío Mosquera. Estamos satisfeitos ante o compromiso do señor Villares por xestionarnos esa cita”.
Os membros da Comisión subliñan que na xuntanza “intentamos abrir os ollos do noso rexedor. Día tras día somos advertidos de que o SERGAS está cargando as axendas dos tres facultativos que temos actualmente, que se dan citas cada poucos minutos e os médicos se ven con pouco tempo para consultar ós pacientes e que, incluso, a veces moitas persoas volven para as súas casas sen ser atendidas porque o seu doutor finaliza a xornada laboral e non puido rematar con todos os veciños que foran citados”.
Neste senso, o alcalde asegurou descoñecer esta situación e “tomou nota para tentar trasladar as nosas queixas á señora Mosquera co obxectivo de que poidamos ser recibidos na súa Consellería sen máis dilación”.
Ante o compromiso do señor Villares, dende a Comisión agradecen de antemán que “o goberno de Cervo intermedie para conseguir esta ansiada reunión coa maior brevidade posible. Lembrámoslle a Villares que a actitude da señora Mosquera non foi a máis adecuada, pois ninguneou ós 21 colectivos, que estamos unidos nesta Comisión, cando tiñamos presentado en tempo e forma no rexistro da Xunta de Galicia en Lugo a nosa solicitude. Levaremos a Santiago, se o señor Villares fai efectiva a súa promesa, os papeis que así o demostran co único fin de aclarar este malentendido”.
Rematan recordando que “esperan unha resposta coa maior prontitude posible para poder explicarlle en persoa á señora Conselleira a situación que estamos a vivir no Concello de Cervo trala súa decisión de eliminar unha praza de médico dos nosos centros de saúde”.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
