O Valadouro, 13 de xullo de 2013.- O Partido Popular do Valadouro denunciou este sábado 13 de xullo que a tenente de alcalde do municipio, María Jose Fernández (Udival), instalou unha terraza na súa cafetería sen contar coa autorización municipal obrigatoria. Os populares acreditaron cunha fotografía esta denuncia onde pode apreciarse que a terraza ocupa incluso un espazo público destinado a aparcamento de vehículos.
INCUMPRE A ORDENANZA
Desde o PP sinalan que si lle consta a solicitude da autorización por parte desta concelleira pero, alertan que esta non puido outorgarse, xa que a instalación da terraza incumpre os requisitos establecidos na ordenanza municipal aplicable.
Máis polo miúdo, os populares explican que todos aqueles locais hostaleiros, cafeterías, etc… que desexen instalar unha terraza nun espazo público que ocupe unha zona de aparcamento, como é o caso, non só deben facelo sobre unha tarima que iguale esa instalación á altura das beirarúas, senón tamén delimitar o espazo coas medidas de protección que eviten calquera tipo de risco para clientes, viandantes e vehículos. A terraza da tenente de alcalde nin dispón de elementos de barreira, nin da tarima.
POR RIBA DO BEN E DO MAL
Para os populares resulta moi grave que María José Fernández non respecte as ordenanzas municipais e demais obrigas que o Concello e o seu Equipo de Goberno si impón ao resto dos veciños e locais hostaleiros do municipio. Os populares están convencidos de que esta concelleira “se cre por riba do ben e do mal, e fai as cousas ao seu antollo, sen respectar as obrigas legais”
Desde o Partido Popular esixen que se sancione á tenente de alcalde e que esta asuma as responsabilidades políticas dos seus acutos e sinalan o seu profundo malestar e desprestixio que esta situación provoca para o propio Concello, ao ter á súa tenente de alcalde que non cumpre coa lexislación como debera
Os populares lembran que a ordenanza reguladora da instalación de terrazas de hostalería ten por obxecto garantir unha utilización racional e ordenada do espacio público, garantindo a correcta circulación peonil e respectando os dereitos e bens tanto dos usuarios como das persoas e actividades afectadas.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
