Ameijide considera “unha oportunidade” o crecemento da demanda de alimentos e produtos elaborados ecolóxicos para un sector que contribúe á xeración de emprego e ao asentamento da poboación en Galicia e na provincia de Lugo
Lugo, 31 de agosto de 2026. O portavoz do Grupo Provincial Popular na Deputación de Lugo, Antonio Ameijide, pon en valor a “calidade diferenciada” dos produtos agroalimentarios galegos baixo o selo ecolóxico e subliña o importante labor do Consello Regulador da Agricultura Ecolóxica de Galicia (CRAEGA) para o seu control e impulso.
O popular visitou -acompañado polo presidente da entidade Francisco López Valladares, o director de promoción Marcos Vázquez, o director técnico Manuel Cancio e o secretario Javier García- as instalacións na cidade de Lugo, a sede principal á que se suman outros dous centros de traballo en Monforte de Lemos e Vilanova de Arousa.
A entidade certificadora pechaba o ano 2025 con máis de 1.500 rexistros inscritos en toda Galicia e máis de 46.600 hectáreas de superficie. Desta, máis do 45% se atopa na provincia de Lugo que tamén concentra a maior porcentaxe de produtores xa que supera o 40% do total de Galicia. Lugo destaca en produción animal con preto do 60% do conxunto da comunidade e sitúase por diante tamén en produción vexetal alcanzando o 33%.
Por volume de negocio, a produción animal ten o maior peso con máis do 50% do volume total, seguida da produción vexetal cun 37%, e a produción acuícola e as algas cun 10%.
Ameijide destaca “o crecemento da produción agroalimentaria en ecolóxico en Galicia” que superou no 2025 un volume de negocio de 7,12M€. Así mesmo, considera “esperanzador” para o sector agroalimentario galego o crecemento dos produtos elaborados con certificación que “marca un camiño de oportunidades”.
“Galicia e Lugo son sinónimos de calidade agroalimentaria. E o selo ecolóxico constitúe, ademais, unha oportunidade para os nosos produtores ante o crecemento da demanda dos alimentos -tanto carnes, como lácteos, froitas, verduras, cereais, ovos, conservas, mel, viño- e elaborados producidos de forma respectuosa co medio ambiente e sen aditivos”, apuntou Ameijide.
O portavoz provincial do Partido Popular pon en valor os proxectos implantados na nosa provincia que “contribúen á xeración de emprego e ao asentamento da poboación ao mesmo tempo que producen alimentos de calidade diferenciada dende o noso territorio”.
CRAEGA
O CRAEGA é o organismo de control da agricultura ecolóxica autorizado no ámbito territorial da Comunidade Autónoma de Galicia. A entidade pública conta con representación do sector produtivo, elaborador, comercializador e a propia Administración galega. E entre as súas funcións atópase a de auditar e certificar os produtos agroalimentarios ecolóxicos da nosa Comunidade Autónoma, xestionar o rexistro dos operadores ecolóxicos galegos, promover o consumo de alimentos ecolóxicos e divulgar os sistemas de produción ecolóxica.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
