A deputada autonómica Concepción Burgo e o secretario de Educación provincial, Carlos Ferreiro, esixiron esta mañá que o conselleiro de Educación “dea a cara” antes de que remate o mes de xullo para explicar cales son os plan reais da Xunta para o vindeiro curso ante a “absoluta falta de información dos pais e da comunidade escolar” e tras “o peor curso da democracia” en Galicia. Os socialistas pídenlle asimesmo explicacións ao conselleiro e aos responsables provinciais do PP tras o recente informe do Valedor do Pobo que alerta de que “a educación pública de calidade non está garantida no rural” cos recortes dos gobernos de Rajoy e Feijóo.
Burgo esixiu ademais que a Xunta aclare “a folla de ruta cos obxectivos reais e o que queren facer co mapa de centros da provincia”, despois das continuas e recentes decisións “tomadas sen consenso, desde un despacho e comunicadas por teléfono unha vez rematado o curso”, como vén de suceder en Ribeira de Piquín ou Paradela e tras decretos como o da supresión do IES As Mercedes de Lugo.
A deputada autonómica lamentou asimesmo o decreto de becas de Wert, “respaldado por todo o PP e que conseguiu o hito histórico de poñer a todo o mundo de acordo en contra”, e lembroulle aos populares que “normalmente cando vas por unha autopista e todos van en dirección contraria é que estás equivocado”, ao que Carlos Ferreiro engadiu que “o único que leva o PP no asento de atrás e a Conferencia Episcopal, que lle anima a que siga adiante”. Os socialistas lembraron que o PP eliminou máis de 1.000 profesores en Galicia, máis 700 nas universidades, ao que hai que sumarlle a redución drástica de finand¡ciamento, a eliminación do préstamo dos libros de texto ou o decreto dos comedores.
O futuro do transporte escolar e a situación en Lugo
Carlos Ferreiro incidiu en que a Xunta “debe aclarar agora tamén que van facer co transporte escolar”, porque, denunciou, o PSdeG ten datos de “movementos do goberno galego para nomear os mesmos técnicos que fixeron os estudos económicos para o pago dos comedores para que agora entren no transporte”, o que “sería moi preocupante especialmente en provincias con poboación dispersa como Lugo”.
O secretario de Educación provincial apuntou que “en Lugo hai casos de profesores que lles pagaron as taxas a alumnos para que puidesen facer a selectividade”, e destacou “a labor das ANPAS, que están a facer mercadillos e outras iniciativas para o préstamo de libros”. Ademais, alertou das carencias que haberá no vindeiro curso, “que aínda será peor”, en temas como as actividades e horas de reforzo para os alumnos con maiores dificultades, “que moitos centros non poderán dar porque están en cadro e sen profesores suficientes, polo que os pais trán que asumir o pago de pasantías ou que os nenos queden sen a atención adecuada”. O socialista reprochou que “o PP isto non o ve, e parece que non coñece ou non lle importa a realidade do día a día en Lugo e en Galicia”.
“Igualdade de oportunidades”
Os socialistas censuraron asimesmo a intervención de onte de Xosé Manuel Barreiro sobre a nova lei educativa do PP. “Unha de dúas, ou fala desde a ignorancia, que creo que non, ou o seu é un engano intencionado”, afirmou Carlos Ferreiro, que lembra que “o que non di o PP e que aparece neses datos que manexa é que o sistema educativo español era ata agora o máis equitativo do mundo e garantía a igualdade de oportunidades”, algo que “o PP está a eliminar por unha educación elitista, porque primeiro lles sobraban profesores nas aulas, e agora tamén lles sobran alumnos”.
Concepción Burgo tamén aludiu ao camiño “clasista” que o PP pretende para a Universidade galega, “que agora está a cumprir con creces sen o respaldo da Xunta e á que están levando a unha situación límite”. Como exemplo ilustrativo, dixo que no Campus de Lugo “xa non hai cartos nin para dar un folio a cada alumno para facer os exames, e estamos chegando a unha altura insoportable”.
Burgo lembrou que a Universidade é “o motor de elevación social máis importante do país” e que o esquema socialista de becas garantía “a equidade do sistema”, cun 40% de estudantes pertencentes a familias traballadoras, “algo que o PP quere destruír”, xa que “o próximo ano entre un 50 e un 58% dos estudantes perderán a beca”.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
