O Vila do Val celebra a Semana de Galicia do 22 ó 28 de xullo

O hotel Vila do Val celebrará a Semana de Galicia do 22 ó 28 de xullo ofrecendo ós seus clientes un menú elaborado con produtos e recetas típicas galegas. A directora, María Hermida, indica que “queremos sumarnos desde as nosas instalacións á festividade do 25 de xullo, día de Santiago Apóstol e día de Galicia e o facemos elaborando pratos con produtos desta terra: carnes, peixes e mariscos acompañados de exquisitas guarnicións con patacas e hortalizas desta zona”. Hermida sinala que “estamos en temporada alta e pretendemos sorprender a quenes nos visitan estes días e que disfruten da exquisita gastronomía galega, elaborada nos fogóns do hotel Vila do Val”. A Semana de Galicia non é a única proposta do Vila do Val para os próximos días, “xa que tamén de luns a domingo durante a próxima semana teremos un menú especial 100% Galicia composto de crocante de carpacho, arroz caldoso de mariscos e freixós recheos de mel do Valadouro. O prezo por comensal é de 18 euros (bodega non incluída). En Ferreira do Valadouro no hotel Vila do Val tamén lle ofrecen ós seu clientes o menú do día: de luns a venres a 9 euros, con oferta especial e prezo reducido os xoves a tan so 6 euros e os domingos a 12 euros. Todos inclúen tres primeiros e tres segundos pratos para elixir, sobremesas caseiras ou café, pan, auga, viño da casa, refrescos e botellín de cervexa. A directora do Vila do Val, María Hermida, engade que “a oferta que temos para os nosos clientes é moi variada tanto no restaurante coma no hotel. E ademais contamos coa nosa terraza de verán na que se poden degustar brochetas, sarténs, tostas, ensaladas, racións, bocadillos, sándwiches, pizzas… Un pouco de todo para satisfacer ós que desexan un picoteo e para os que prefiren disfrutar de pratos máis elaborados”.