Segundo o BNG, “o documento inicial do PXOM de Barreiros presentado para informe ambiental da Xunta de Galiza vén a validar as posicións mantidas pola nosa formación nestes anos, xa que recoñece explicitamente que se produciu en Barreiros un crecemento urbanístico desproporcionado e á marxe do planeamento.”
É a propia documentación presentada a que parte desas afirmacións, recollendo literalmente que compre dicir que a problemática urbanística de barreiros reside nun incremento da edificación desproporcionado en relación coa poboación existente e coa evolución demográfica e as expectativas de crecemento. Este incremento foi debido á existencia dunha demanda (…) pero que non resolveu simultaneamente a execución das infraestruturas requeridas para o incremento producido.
No mesmo sentido, na documentación complementaria que se presentou, recollen literalmente que esta actividade inmobiliaria, nalgunhas situacións foi ao marxe do planeamento, e noutras con dúbidas respecto da condición de solo urbano consolidado ou non consolidado.
Os nacionalistas lamentan que “agora, sete anos despois da desfeita urbanística que asolou Barreiros, o Alcalde se acorde de que as vivendas unifamiliares teñen menor impacto visual e non se decantara pola ordenación das edificacións en pleno boom urbanístico.” Aseguran tamén desde o BNG que agardan que “ao Alcalde non lle entre agora a présa por ordear cando non se preocupou desde que chegou ao goberno e cando era moito máis necesario. Por iso, agardamos que se tomen o tempo preciso para que este PXOM sexa un instrumento útil e adaptado ás necesidades das e dos barreirenses e non unha chapuza para tapar a súa incapacidade á fronte da xestión urbanística do concello.”
Por outro lado desde o BNG tamén afirman que se aledan, “dentro do malo e tendo en conta que este documento marcará previsiblemente o futuro urbanístico do concello, de que tamén un dos redactores do plan e asinante co Concello hai tres anos, cambiara a súa perspectiva sobre a política urbanística do concello de Barreiros.” Refírense os nacionalistas barreirenses a Ramón Martínez Gómez, que forma parte do equipo redactor do plan e foi a persoa que apareceu publicamente co Alcalde no acto de sinatura da contratación do PXOM en febreiro de 2010 e que anteriormente fora portavoz do Partido Popular en Foz e se manifestara en apoio á política urbanística de Alfonso Fuente en decembro de 2006.
Os nacionalistas afirman tamén que “durante a tramitación do plan haberá que estar vixiantes para que, pola vía dos feitos, non se utilice este planeamento para legalizar as edificacións ilegais e, con iso, se perxudique ao conxunto da veciñanza reducindo a bolsa de solo urbano. Esto pode ter especial incidencia na zona interior do concello, onde parece que se pretende xustificar unha imposibilidade de incrementar solo de núcleo rural pola súa actividade agraria.” Os nacionalistas aseguran que “estas cuestións non son incompatibles e non imos permitir que volvan rirse das veciñas e veciños con medias verdades e medias mentiras.”
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
