Ribadeo, 13 de agosto de 2013. Preto de 40 embarcacións se darán cita o vindeiro sábado, 17 de agosto, na VIII Concentración de Kaiak de Mar Praia das Catedrais, que organiza o club de piragüismo Altruán de Ribadeo co patrocinio da Concellaría de Deportes.
O presidente de Altruán, José Angel Fernández, explicou que “nós este ano a ruta tradicional de navegación que facemos propiamente oceánica entre a ría de Foz e La Caridad imos engadirlle o vindeiro sábado unha opción para a xente que non ten as destrezas adquiridas, pero si quere ao mellor iniciarse no piragüismo dunha forma moito menos complicada”. Haberá unha ruta para avanzados que discorrerá entre Viavélez e Ribadeo e outra denominada turística dentro da ría de Ribadeo, “compatible coa principal e enfocada para todo aquel que, sen ter a práctica e as destrezas que esixe unha ruta deste tipo, si quere aproximarse e facer que o deporte participativo sexa algo máis que un mero slogan ou unha mera frase”.
Ata unhas corenta embarcación se darán cita nesta VIII Concentración de Kaiak de Mar, “o que nos consolida coma unha das rutas de referencia de kaiak de mar que hai en Galicia e en todo o Cantábrico, sen quitarlle mérito á concentración de Malpica que terá lugar dentro dun par de semanas. Entre os inscritos hai unha rapaza que ven desde San Fernando (Cádiz), maior extensión de convocatoria é difícil”. Fernández engadiu que “é un deporte minoritario, que non elitista, ofrecemos un produto que é o noso litoral permitíndolle á xente aproximarse a el dunha forma máis novidosa e alternativa. É un recurso que explotamos porque a administración local sabe recoñecelo e grazas tamén ao esforzo e o compromiso persoal de moita xente que desinteresadamente permite que este tipo de iniciativas vaian para adiante”.
O concelleiro de Deportes, Vicente Castro, indicou que “nunca coma este ano houbo a actividade deportiva que se está a rexistrar en Ribadeo. Non lembro tal cousa. No caso do club de piragüismo Altruán nunca tampouco fixeron tantas actividades coma neste verán, e nunca tantos éxitos acadaron coma nestes meses. No seu momento faremos un acto institucional e público de recoñecemento a todos os logros conseguidos”. Sobre a VIII Concentración de Kaiak de Mar sinalou que “é unha proba que está consolidada, xa é unha cita tradicional no verán de Ribadeo”. Castro subliñou tamén “o traballo que se está a facer desde as escolas deportivas municipais co piragüismo, cunha participación substancial e que incorpora a rapaces novos á práctica dun deporte que é minoritario nunha vila mariñeira e cunha ría coma a de Ribadeo. Parece que vai tomando un novo pulo a práctica deste tipo de deportes”.
A VIII Concentración de Kaiak de Mar Praia das Catedrais dará comezo ás 11 da mañá en Viavélez. A hora estimada da chegada ao porto de Ribadeo será ás dúas e media.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
