Foz a 23 de outubro de 2013.- O BNG de Foz presentará para este pleno unha moción esixindo da Xunta a retirada da suba de combustibles para o ano 2014, que o PP incluíu nos orzamentos, e a aplicación de medidas impositivas aos que máis teñen.
Para o BNG trátase dun novo incumprimento do programa electoral co que Feixóo gañou as eleccións hai un ano no que apostaba pola “austeridade” como única solución para salvar as finanzas públicas, e descartaba unha suba de impostos. O PP dicía daquela que “unha suba de impostos no ámbito da nosa Comunidade Autónoma pode resultar dobremente contraproducente, pois ademais de provocar unha contracción maior da actividade empresarial e dos investimentos, e do consumo interno, pode alterar a súa vez a lóxica redistributiva estatal propia dos tributos de maior poder recadatorio”.
Así que unha vez máis os membros do PP mentiron e enganaron ao pobo, e malia a promesa de non subir os impostos autonómicos -e mesmo baixar algúns tributos- agora aplicará unha nova taxa sobre os combustíbeis nos Orzamentos de 2014. Galiza xa aplicaba un imposto, o chamado “céntimo sanitario”, e agora multiplícase. O nova suba implicará que o imposto ao gasóleo pasará en Galiza de 1,2 céntimos por cada litro a 4,8 céntimos por litro, mentres que o incremento na gasolina será de 2,4 céntimos a 4,8 céntimos. É dicir, no caso do gasóleo a taxa multiplícase por catro e na gasolina por dous.
Ademais de ser imperdoable que o PP incumpra as promesas e minta aos galegos e galegas, tamén o é rirse da súa intelixencia argumentando que soben os carburantes para “equiparalo” con outras autonomías. A realidade é que Galiza con esta suba ponse á cabeza das comunidades que máis impostos cobran nos combustibles xunto a Baleares, Castela e León, Cantabria e Valencia. Ata cinco comunidades non aplican ningún imposto extra sobre os combustíbeis e as demais aplican taxas menores que as de Galiza.
Para o BNG esta nova medida do PP é afondar aínda máis na crise e no empobrecemento da maioría da xente e provocarán un retraemento no consumo, a caída da actividade e, polo tanto, unha menor recadación. Mesmo a agrupación de vendedores minoristas de carburantes e combustibles advirte de que actuación que prevé levar a cabo a Xunta prexudicará á “competitividade” das gasolineiras galegas e irá en detrimento dos usuarios.
Para o BNG a alternativa está non na suba dos impostos indirectos senón todo o contrario: subir os impostos ás rendas máis altas, aos grandes patrimonios, á grande banca ou ás grandes empresas que xeren impactos medioambientais no noso pais e pagan os impostos no estranxeiro.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
