Burela, a 10 de outubro de 2013.- O Partido Popular de Burela manifestou hoxe, a través do seu portavoz, José Luis Lois Losada, que “o grupo municipal socialista en particular e o PSOE burelés en xeral está absolutamente desconcertado e o seu traballo resulta francamente decepcionante, á vista do que se lles pode ver e ler”.
O portavoz da Agrupación local do PP indicou que “están desconcertados porque dentro do grupo municipal as relacións non son as millores nin moito menos, e dentro da agrupación local socialista hai, alomenos, tres persoas que tentan facerse co control do partido: o portavoz local, o sindicalista atrevido e a concelleira fascinada pola fotografía, aínda que podería haber unha cuarta persoa de volta á política municipal”.
Para Lois Losada “esto trae consigo que non se vexan propostas socialistas por ningún sitio, que cometan erros de bulto como acontece cos arbustos da estación de autobuses, que aínda non se deron conta de que son así; ou que xa cansen co do ‘desgoberno’, palabra que seguramente usan logo de mirarse ó espello e verse a si mesmos desgastados”.
Tamén aclarou Lois Losada o porqué os socialistas son decepcionantes: “é un calificativo suave, á vista de que só foron capaces de presentar unha moción en dous meses e medio: cada día escribiron unha palabra; e por riba é unha moción que vai a remolque dunha asociación cultural. Non se pode dicir que sexa moi traballador un grupo municipal de cinco persoas que so é capaz de presentar unha moción, cando unha desas persoas está cobrando 51.000’00€ anuais dos cartos de todos nós. Pola contra, o Grupo Popular presenta catro mocións, e sobre asuntos de importancia para os veciños e veciñas de Burela, como a quimioterapia no Hospital ou o servizo de axuda a domicilio”.
Por todo elo, José Luis Lois pídelles ós socialistas que “resolvan os seus conflitos internos canto antes, de forma que o PP poida ter un interlocutor válido, cousa que agora non hai, porque no PSOE mandan todos e non manda ninguén. E que se poñan a traballar dunha vez por todas, para facer propostas importantes para a vida municipal e para os veciños e veciñas de Burela. Agora mesmo, o PSOE burelés non é nin alternativa para facer oposición”.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión.
O conselleiro do Mar visitou este venres a Feira Náutico Pesqueira que se celebra ata o sábado.
Este xoves recibíuse unha comunicación da Casa Real, felicitando pola consecución da Copa da Raíña 2025.
'50 anos de cultura - 50 anos de historia' pode verse nas Escolas Vellas de Cervo.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou o pasado sábado, 3 de maio, a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
