Lugo 10 de outubro de 2013. Fai poucos días, Núñez Feijoo facía unhas declaracións nas que se autoproclamaba como “salvador” do sector leiteiro galego, facéndose responsable de que os produtores/as lácteos estean recibindo unha melloría no prezo.
É certo que o prezo do leite que reciben os/as produtores/as galegos/as tivo un incremento significativo nos últimos meses, cousa que, desde FRUGA, acollemos con satisfacción e agardamos que teña continuidade no tempo. Pero tamén pensamos que, en ningún caso, esta suba é consecuencia da política que leva a cabo a Xunta de Galiza, senón que se debe a causas conxunturais, principalmente á baixada de produción dos países
exportadores e da súa influencia nos mercados internacionais.
Feijóo incluso chegou a afirmar que esta suba obedece ao traballo que leva realizado a propia Xunta fomentando o dialogo e entendemento entre a industria e o sector produtor, pois ben, iso é rotundamente falso, non existe negociación algunha, a mesa do leite non se está convocando e non hai unha aposta da Xunta para a creación da tan necesaria interprofesional láctea galega, que é o organismo que debera velar polo mantemento dun equilibrio no mercado lácteo.
De feito, a política do Partido Popular é contraria aos intereses do sector leiteiro galego tal e como se ve na conxelación que a propia Xunta fixo co Banco de Terra de Galiza (BANTEGAL) e do Contrato de Explotación Sustentable (CES). Núñez Feijoo gábase de que foi el quen aprobou a primeira Lei de Montes de Galiza, pero hai que ter en conta que se trata dunha norma que fora iniciada polo BNG durante o goberno bipartito e que contaba cun grande consenso, e que, coa chegada á Xunta do PP, esta Lei foi modificada, deixou de ter o consenso que tiña e pasou a perxudicar ao sector agrario galego, introducindo medidas tan polémicas como o levantamento da prohibición de forestar terras agrarias.
Tamén, Feijóo afirma que axilizou o pago das axudas da PAC, mais a realidade é todo o contrario para un gran número de explotacións gandeiras galegas. Moitas delas están recibindo a notificación de que este ano non van poder recibir o adianto das axudas da PAC, cousa que é moi importante para as granxas que teñen agora que facerlle fronte ao custo da recollida do millo, porque se teñen detectado algún tipo de incidencia coa Axencia Tributaria, cando tales incidencias non existen, senón que obedece á falta de rigor e dilixencia da propia Axencia Tributaria, transmitindo información falsa ou incorrecta á Xunta de Galiza. A miores esto agrávase con aque a Xunta fixo esta consulta moi tarde e non da tempo a corrixir estes erros causados pola Axencia Tributaria.
Outros contratempos con este adianto das axudas da PAC que temos detectado desde FRUGA é que, a causa da privatización das inspeccións de superficies, están sendo moi lentas, o que provoca a ralentización dos expedientes, poñendo en risco que moitas granxas galegas queden sen percibir o propio adianto.
Desde FRUGA parécenos que con este tipo de anuncios, Núñez Feijóo, pretende primeiramente mofarse das persoas que día a día traballan a reo para sacar adiante ás súas gandeirías e en segundo lugar insiste en pór pedras no camiño para un normal funcionamento das granxas galegas.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
