Os populares esixen ao Goberno de Sánchez explicacións sobre o horario de atención ao público en cada cuartel da provincia, a evolución dende o 2018 e as razóns das modificacións dos horarios
Lugo, 23 de xullo de 2026. Os senadores lucenses do Partido Popular José Manuel Barreiro, José Manuel Balseiro e Juan Serrano levan á Cámara Alta o recorte do horario de atención ao público nos cuarteis da Garda Civil na provincia.
Os populares advirten que “nos últimos anos se sucederon queixas de cidadáns, representantes municipais e asociacións profesionais da Garda Civil pola redución dos horarios nos que os efectivos prestan servizo ao público no propio acuartelamento”.
“Esta circunstancia dificulta o acceso dos cidadáns aos servizos presenciais do Instituto Armado e agrava a sensación de perda de presenza da Garda Civil no rural”, aseguran.
Así, os representantes do PP lucense no Senado esixen ao Goberno de Sánchez resposta por escrito sobre o horario de atención ao público en cada cuartel da provincia, a evolución dende o 2018 ata a actualidade e as razóns das modificacións coas correspondentes datas.
Os populares lembran que “a Garda Civil desempeña un papel esencial na garantía da seguridade cidadá, especialmente no medio rural, onde a dispersión xeográfica e as características do territorio esixen unha resposta áxil e eficaz”. Pero tamén é necesario ofrecer atención ao público nun horario que permita garantir o servizo con eficacia.
PERDA DE EFECTIVOS NO RURAL DA PROVINCIA
Os senadores do Grupo Popular xa teñen advertido da perda de efectivos na provincia: “a pesar de que o Ministro Marlaska presuma de que se incrementaron nos últimos anos, a realidade na nosa provincia é totalmente distinta”. De feito, o Goberno de Sánchez ten máis do 15% das prazas do catálogo sen cubrir na provincia de Lugo.
“Pero a situación agrávase en municipios rurais coma O Vicedo, O Valadouro, A Fonsagrada, Portomarín, Castroverde ou A Pontenova onde “os postos sofren un importante recorte de persoal que merma a calidade do servizo”, apuntan.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
