Burela, 25 de xullo, 2026. Marina García Fernández (Foz, 08/06/2009) achegará unha dose extra da esencia das Xoias Laranxas ao equipo de Javier Pardeiro. A benxamina do conxunto mariñán cumprirá a súa segunda tempada coas Guerreiras.
“Supón moitísimo para min. O Burela é o club no que empecei a xogar ao fútbol sala e poder seguir medrando aquí é unha oportunidade magnífica. Estou moi agradecida pola confianza que o club deposita en min e teño moitas ganas de seguir aprendendo, mellorando e axudando ao equipo”, explicaba a dorsal 12 do Reyco Burela FS.
Con só tres cursos de formación no fútbol sala, estreouse en Primeira a pasada tempada e mesmo gozou dunha convocatoria coa selección galega. “Foi unha experiencia moi especial. Debutar en Primeira era algo que levaba tempo soñando e poder facelo tan nova foi unha oportunidade incrible. Intentei aproveitar cada minuto para aprender, coller experiencia e seguir medrando como xogadora”, reflexionaba a prometedora ala mariñá.
Aínda en idade xuvenil, Marina destaca por ser unha xogadora tacticamente intelixente, rápida e vertical. “A experiencia do ano pasado axudoume a medrar e agora afronto esta tempada con máis ilusión ca nunca. Quero seguir traballando e mellorando cada día para dar o máximo de min, axudar ao equipo en todo o que poida e aproveitar esta oportunidade ao máximo”, engadía a xogadora laranxa, que ve un proxecto “moi ilusionante”.
“Mantense unha boa base do equipo e as novas incorporacións seguro que van axudar moito. Estou convencida de que, co traballo de todas, podemos facer unha gran tempada”, apuntaba Marina, que se converte na quinta peza confirmada por Pardeiro, xunto ás renovacións de Sandra e Silvia, e ás chegadas da ala-peche vallisoletana Pau e da ala-pivote andaluza Elena.
No seu camiño de aprendizaxe e esixencia competitiva, a xogadora focega tamén enviou unha mensaxe aos preto de 200 nenos e nenas da Escola Imdecum Burela FS: “Deben gozar moito deste deporte e non deixar nunca de loitar polos seus soños. Con esforzo, ilusión e constancia todo chega. Eu tamén empecei na base e estou moi orgullosa de poder seguir medrando neste club, así que anímoos a aproveitar cada adestramento e a non renderse nunca”, concluía Marina.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
