Levará tamén unha moción en defensa do ensino público de calidade, inclusivo, en galego e con recursos suficientes
Lugo, 24 de xullo de 2026. O PSdeG levará ao vindeiro Pleno da Deputación, que se celebrará o martes no Pazo de San Marcos, dúas iniciativas centradas na protección do territorio e na garantía de servizos públicos para toda a provincia. Por unha banda, o PSdeG defenderá unha proposta de Goberno para reclamar á Xunta un novo modelo de prevención e defensa contra os incendios forestais; e, pola outra, levará unha moción en apoio á comunidade educativa e en defensa dun ensino público de calidade, inclusivo, en galego e con recursos suficientes.
Un novo modelo de prevención contra os incendios
A primeira das iniciativas, presentada como proposta de Goberno, reclama á Xunta de Galicia unha reforma integral da política de prevención e defensa contra os incendios, adaptada á nova realidade climática, territorial e demográfica de Galicia e, especialmente, da provincia de Lugo.
O texto advirte de que os lumes actuais son cada vez máis intensos, rápidos e difíciles de controlar como consecuencia do cambio climático, da acumulación de biomasa, do abandono da actividade agraria e da crecente proximidade entre as masas forestais e os núcleos habitados, situación que afecta especialmente ao Courel, Os Ancares, a Ribeira Sacra e a montaña lucense.
A voceira socialista, Pilar García Porto, advirte de que “xa non estamos ante o modelo de lume que coñeciamos hai dúas décadas”. “Galicia afronta unha nova xeración de grandes incendios de comportamento extremo, capaces de superar a capacidade de resposta dos dispositivos tradicionais e de poñer en risco simultaneamente vidas, vivendas, explotacións e patrimonio natural e cultural”.
A iniciativa sinala entre as principais carencias a falta dunha avaliación pública do Plan Forestal de Galicia 2021-2040, a insuficiente execución das faixas secundarias de protección e a excesiva dependencia de contratacións temporais.
Por iso, o PSdeG reclama que a Xunta presente, nun prazo máximo de tres meses, unha avaliación do Plan Forestal; impulse unha reforma integral da política galega de prevención; execute con financiamento suficiente a xestión da biomasa nas faixas secundarias; e poña en marcha un Programa Galego de Paisaxes Resilientes baseado na silvicultura preventiva, na recuperación de terras agrarias abandonadas e nos mosaicos agroforestais.
A proposta pide tamén reforzar os recursos humanos, reducir a temporalidade, garantir dispositivos permanentes durante todo o ano e incrementar os investimentos en prevención. Inclúe, ademais, unha estratexia específica para Lugo e un Plan Galego de Prevención Local que defina as responsabilidades de cada administración e asegure a dotación económica necesaria.
Apoio á comunidade educativa e defensa do ensino público
A segunda iniciativa que o PSdeG levará ao Pleno é unha moción en apoio á comunidade educativa e en defensa dun ensino público de calidade, inclusivo, en galego e con recursos suficientes.
A formación advirte de que a escaseza de profesorado, as baixas sen cubrir, o aumento das ratios, a sobrecarga burocrática e a falta de persoal especializado, están dificultando o funcionamento dos centros e comprometendo a atención individualizada ao alumnado. Situación que resulta especialmente grave nunha provincia marcada pola dispersión, o envellecemento e o despoboamento, na que 66 dos 67 concellos teñen menos de 20.000 habitantes. Para as e os socialistas, a escola rural é esencial para garantir a igualdade de oportunidades, manter a cohesión territorial e fixar poboación.
A moción reclama á Xunta que aumente os cadros de persoal docente e educativo, axilice a cobertura das baixas e substitucións, baixe as ratios e aplique criterios específicos para protexer as unidades escolares dos concellos pequenos. Esixe tamén o compromiso de non pechar escolas nin unidades educativas no rural lucense.
A iniciativa demanda, ademais, unha redución da carga burocrática do profesorado, mellores condicións laborais, investimentos urxentes nas infraestruturas escolares e recursos suficientes para atender ao alumnado con necesidades específicas e ao recentemente chegado con descoñecemento da lingua. Así mesmo, reclama unha maior presenza efectiva do galego e servizos de transporte e comedor escolar adaptados á dispersión territorial.
Pilar García Porto resumiu que ambas iniciativas responden á necesidade de garantir “unha provincia segura, cohesionada e con servizos públicos que cheguen en condicións de igualdade a todo o territorio”. “A Deputación de Lugo, como institución próxima á cidadanía e comprometida coa defensa do rural, non pode permanecer á marxe destas realidades. A Xunta debe asumir as súas responsabilidades con planificación, financiamento suficiente e políticas adaptadas á realidade de Lugo”, concluíu.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
