Lugo, 23 de outubro de 2013.- A Dirección Xeral de Tráfico estreou hoxe a nova modalidade de exame teórico por ordenador para obter o permiso de conducir en Lugo, que se converte así na segunda capital galega, despois de Ourense, en empregar este sistema.
O subdelegado do Goberno en Lugo, Ramón Carballo, e a xefa provincial de Tráfico, Paula Yubero, presentaron esta mañá na propia aula de exames da Xefatura Provincial a implantación deste novo formato de exame, que a continuación estrearon os primeiros alumnos que se examinaron neste día. Na presentación tamén participou o presidente da asociación provincial de autoescolas, José Luis García Ferreiro.
A DXT pretende extender este sistema de exame a todas as capitais de provincia antes de que remate o ano. O novo formato non se implantará polo de agora nos outros dous centros de examinación da provincia, Monforte e Foz, que manterán o sistema actual con exames en papel.
Dinámica do exame por ordenador
No novo sistema de exame teórico, o alumno séntase ante unha pantalla táctil na que van saíndo as 30 preguntas do exame xeral. Pode contestalas cantas veces queira, marcando as correctas cun punteiro, ata esgotar o tempo de media hora da que dispoñen. O alumno tén un reloxio na pantalla que lle permite controlar o tempo e só lle están permitidos tres erros como máximo. O papel quedará como segunda opción, ante posibles problemas informáticos.
A Xefatura Provincial de Tráfico dispón dunha base de datos de máis de 16.000 preguntas das que se nutre para elaborar os tests do exame, que son individualizados, é dicir, diferentes para cada un dos aspirantes, e empregan unha linguaxe clara e sinxela.
Para que o aspirante poida familiarizarse con este tipo de exame, existe un modelo de autoavaliación na páxina web da DXT co que se pode practicar dende a casa. Os contidos destes cuestionarios son os mesmos que antes, facendo especial fincapé nas pautas de condución eficiente, as normas e sinais, e a seguridade vial. Logo de realizar un exame, os resultados poden comprobarse por internet ás poucas horas ou ao día seguinte.
Segundo explicou o subdelegado do Goberno, a informatización dos exames teóricos para obter o permiso de conducir “é un paso adiante para mellorar a calidade dos cuestionarios e tamén para mellorar a formación dos futuros condutores e reducir a sinistralidade nas estradas que, a fin de contas, é o máis importante”.
Aspirantes na provincia
Na provincia de Lugo operan 42 escolas de condutores, cun total de 69 seccións. En canto aos exames teóricos, o ano pasado presentáronse ás probas comúns de coñecementos un total de 4.638 aspirantes, mentras que 1.857 fixérono tamén á proba específica de coñecementos. Superaron esas probas en torno ao 75% dos aspirantes.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
