Cervo, 11 de novembro de 2013-O Concello de Cervo celebrou hoxe a Comisión Especial de Contas para abordar a proposta de orzamentos para 2014. Uns presupostos que no próximo exercicio ascenderán a 5.115.645 euros tanto en ingresos como en gastos, cifra que aumenta nun 3% con respecto ao ano 2013.
Uns orzamentos que a edil de Facenda cualificou de “prudentes, realistas e que dan continuidade a un compromiso firme de manter a prestación de todos os servizos coa mesma calidade que ata o de agora”. Ao mesmo tempo Yolanda Pedreira asegura que a garantía de ofrecer os mesmos servizos non implicará unha subida dos impostos: “No presuposto de 2014, ao igual que fixemos no de 2013, non imos subir as taxas e as ordenanzas, nin sequera imos facer a actualización do IPC, de forma que os veciños non terán que pagar máis polos servizos”.
Desta forma, o Concello pretende protexer especialmente os servizos directamente relacionados co benestar da cidadanía. Unha medida que é posible “polo traballo constante do goberno local para conseguir a solvencia económica e financeira das arcas municipais” engade Pedreira.
Neste sentido, cabe destacar por exemplo a partida destinada a bolsas formativas para os estudantes titulados, que se multiplica por tres con respecto ao 2013. Deste xeito, o Concello decidiu dedicar 100.000 euros para seguir ofrecendo prácticas remuneradas aos mozos e mozas durante o 2014. “Unha forte aposta polo fomento do emprego xuvenil” explica a edil de Facenda.
Outra das partidas que se incrementan é a destinada a seguridade, que se multiplica por sete debido aos gastos derivados dos servizos do Grupo de Emerxencias Supramunicipal, que o Concello financia ao 20% máis os gastos de mantemento.
Por capítulos, hai que lembrar que no próximo exercicio vaise manter a contía destinada aos investimentos reais, que roldarán os 237.500 euros, unha cifra moi semellante á do 2013. Un importe ao que haberá que sumar futuras subvencións de capital, pero que non se inclúen polo principio de prudencia.
Ao mesmo tempo, Pedreira puxo énfase na “boa saúde das arcas municipais” que permite ao Concello falar dunha situación de estabilidade orzamentaria na que se están cumprindo os límites de gasto marcados pola lexislación. Polo tanto, o Concello de Cervo mantense no obxectivo de déficit cero e segue tendo unha boa capacidade de financiamento. Ademais, non hai que esquecer que un ano máis a administración cervense terá aprobado o presupostos de forma inicial antes do 1 de xaneiro, tal e como establece o Texto Refundido da Lei de Facendas Locais.
A edil lembrou que a Comisión Especial de Contas celebrouse esta mañá despois de convocar a estes efectos aos grupos políticos do Concello en tempo en forma. Unha xuntanza á que acudiron todos os grupos agás o PSOE, que non contou con ningún dos seus tres representantes.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
