Burela, 26 de novembro de 2013. As monitoras do Centro de Educación Medioambiental Gaia realizan ao longo desta semana talleres de reciclaxe: elaboración de xabrón (a partir de aceite usado) e reciclaxe de papel (con xornais usados) para os alumnos de 2º de ESO do IES Perdouro.
Segundo explican desde Gaia e desde a Concellería de Medio Ambiente “o taller de elaboración de xabrón consiste nunha parte teórica (presentación en power point sobre a contaminación do aceite e a importancia de reciclalo) e posteriormente unha parte práctica (realización de xabrón dunha forma fácil e económica tal e como facían as nosas avoas).
As monitoras de Gaia sinalan que “tendo en conta que é un bo método para reutilizar o aceite usado que sobra nas cociñas dos nosos fogares e evitar que sexa vertido polo fregadeiro e vaia a parar ao mar onde impida a osixenación e a morte de peixes e plantas”. E recalcaron que “facendo xabrón con aceite usado contribuímos a coidar o medio ambiente e damos unha segunda vida a esta materia e que outra forma de reciclar o aceite doméstico é depositalo nos colectores de aceite nun envase que non sexa de vidro”.
Sobre a reciclaxe de papel desde Gaia contan que “na parte teórica trataremos a importancia de usar papel reciclado para evitar a tala de árbores. Temos que ter en conta que nun ano consúmense no mundo uns 300 millóns de toneladas de papel e cartón e debemos saber que cada tonelada de papel que se recicla aforra talar doce árbores, reduce o consumo de enerxía, de auga e diminúe a contaminación. E na parte práctica realizaremos un taller de reciclaxe a partir de xornais usados para posteriormente elaborar marcapáxinas”.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
