O Burela FS Pescados Rubén gañou onte o pase a oitavos de final da Copa do Rei logo dun duro partido na pista do Melilla FS, de Segunda División (1-2). Os pupilos de Juanlu proclamáronse vencedores da eliminatoria, logo dun encontro no que a falta de acerto na primeira parte e a pouca frescura da segunda os obrigaron a recorrer ao tempo de prórroga.
Os mariñáns demostraron o seu dominio na primeira parte, aínda que puideron aproveitar máis ocasións para chegar con máis vantaxe ao descanso. Iago Míguez abriu o marcador no minuto 16, 0-1. No regreso á pista, o rendemento burelista baixou e chegou o empate de Melilla FS, no minuto 30, con gol en propia porta de Antoñito. “A fatiga da viaxe comezou a notarse. O equipo cometeu imprecisións por non estar fresco, ante un rival que apertou máis; con todo respondemos cunha boa defensa” explicaba o técnico do Peixes Rubén.
A escuadra laranxa fixo un sobreesforzo na prórroga. “No primeiro tempo experimentamos un cambio grande fisicamente, aínda que tamén nos faltou acerto” analizaba Juanlu, que a pesar do gol de Antoñito que daría a vitoria definitiva, no minuto 43, lamentaba o fallo dun penalti de Matamoros, no 41, e doutro, de Juanma, e un dobre penalti, de novo de Matamoros, catro minutos máis tarde. Na segunda parte do tempo extra, os mariñáns souberon conservar a súa renda cun unha sólida defensa, ante o xogo de cinco dos locais.
O sorteo para oitavos realizarase o vindeiro mércores, 13 de novembro, ás 12.00 horas na sede da RFEF. A eliminatoria disputarase entre o 10 e o 11 de decembro, a partido único.
Resultados:
Sporting San Vicente 4-2 Colegios Arenas Gran Canaria
Cartagena 4-1 Jaén Paraíso Interior
CDFS Ategua 0-4 Inter Movistar FS
Hospitalet Bellsport 4-4 Umacón Zaragoza (penaltis 1-4 para Zaragoza)
FS Nazareno 4-6 CD Dominicos
Maxon Montcada 3-1 Xota FS
Noia FS 5-4 Marfil Santa Coloma
Temisas CDF 0-5 Azkar Lugo FS
Fonononós Gomerón 1-9 FC Barcelona
Mércores 6 de novembro
Carnicer Torrejón-ElPozo Murcia
Uruguay Peruanos-Ribera Navarra
Ziérbana-Peñíscola
Caja Segovia-Santiago Futsal
Brihuega FS-Jumilla Montesinos
O Parrulo FS-H. Llevant Manacor
Ficha técnica
Melilla FS: Yiyo, Rafita, Yusef, Billete, Kiko, cinco inicial; tamén xogaron Donoso, Dantas, Bilall, Lonchu
Burela FS Pescados Rubén: Edu, Mimi, Hugo, Matamoros, Antoñito, cinco inicial; tamén xogaron Burrito, Iago Míguez, Isi, Juanma, Carlitos
Goles: 0-1, minuto 16, Iago Míguez; 1-1, minuto 30, Antoñito (p.p.); 1-2, minuto 43, Antoñito
Árbitros: Cordero Gallardo//Linares Lopez (Cádiz)
Amoestacións: Polos locais, amarela a Yusef (13), Lonchu (40), Kiko (45) e Dantas (45); polos visitantes, amarela a Iago Míguez (10), Mimi (17), Isi (17), Hugo (35), Matamoros (38) e Antoñito (50)
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
