Dí Antón Niñe no libro “O Asilo: a súa historia” (1997) que dende a entrada en servizo do mesmo (1933) pasaran por el 751 residentes de ambos sexos; o 20% de Foz e os demais de concellos veciños, do resto de Galicia e doutras autonomías; xentes heteroxéneas que deron lugar á presenza de individuos singulares e mesmo pintorescos, exóticos, que nalgunha medida amenizaban a convivencia veciñal coa que sempre mantiveron cordiais relacións. O mais popular deles, durante moitos anos, fora “o mudo”, así chamado pola condición de tal, e a singularidade da personalidade radicaba na incógnita que rodeaba a súa existencia, ata o punto que endexamais se coñeceo a orixe. O bo do home, de aspecto exótico, tez morena, corpulento, aparecera, sen ninguén saber cómo, solitario, deambulando pola vila de Meira, ao pouco de rematar a guerra civil. Polas explicacións que coas mans, e os trazos que debuxaba no ar facía, decíase que o forasteiro caera dun avión, extremo que nunca chaegou a confirmarse; o protagonista, solitario, perdido e illado, foi recollido polas autoridades e enviado a un Centro de atención en Santiago e, sen tardar, remitido ó asilo de Foz onde permañeceu ata o pasamento a idade indeterminada pola carencia de datos biográficos que algunhas persoas, aventuraban arredor dos 70 anos. Era sorprendente a soltura e o estilo do home manexando o bolígrafo co que, sobre o papel, deixaba uns trazos firmes e rápidos que facían pensar nalgunha forma de escritura que nunca chegou a descifrarse.Un domingo de maio do 52, tivo lugar un brillante acontecemento no Asilo, ao que asistiu moita xente, como era habitual nas celebracións daquela Casa: o bautizo do “Mudo”, Festa rachada!. Sor Paz puxo a punto o coro e na cociña elaboraron as deliciosas confituras coas que se agasallaba aos asistentes en ocasións semellantes. O neófito fora apadriñado por Sor Dolores, a Superiora, e José María Fernández Rancaño, secretario do Goberno Civil de Lugo, e foronlle impostos os nomes de Santiago Meira Foz… (seguirá)
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
