Ribadeo, 7 de novembro de 2013. A delegada territorial, Raquel Arias, destacou hoxe na presentación de A Mariña Federación que con esta iniciativa “a nova entidade converte a comarca nun gran centro comercial”.
A delegada aplaudía así a decisión de crear este foro que aglutina ás entidades máis representativas dos comerciantes na comarca, ao tempo que reivindicaba o papel do pequeno comercio na dinamización das cidades e vilas. “É importante poñer en valor o pequeno comercio e actualizarse, e vós estades a facelo”, subliñou.
Arias referiuse ao impulso ao comercio local imprimido polo actual Goberno da Xunta nos últimos anos, ben coas modificacións no eido lexislativo que deron maior representatividade ao sector como coas axudas directas ou indirectas tanto para infraestruturas comerciais como para actividades de promoción.
Así mesmo, lembrou que os datos do INE do mes de outubro reflicten un repunte nas vendas do comercio minorista, máis acusado en Galicia que no conxunto do Estado. Concretamente o incremento medio estatal é do 2,2% con respecto ao ano pasado e en Galicia a porcentaxe está no 2,5%.
Raquel Arias subliño a aposta da Consellería de Economía e Industria por potenciar o asociacionismo no sector como vehículo para á súa modernización e progreso, sinalando que este ano lévanse investidos 3,5 millóns de euros en axudas destinadas aos centros comerciais abertos, asociacións das prazas de abastos, e federacións e asociacións supramunicipais de comerciantes.
A delegada resaltou que “ impulso ao asociacionismo comercial é un dos eixos principais da estratexia de apoio ao sector comercial que desenvolve o Goberno galego, xunto co apoio aos concellos na renovación das infraestruturas comerciais ou o fomento da utilización das tecnoloxías da información e a comunicación”.
Ao respecto, informou de que nos últimos anos a Xunta investiu na comarca da Mariña preto de 800.000 euros nestas accións para facer máis atractivos, modernos e dinámicos os eixos comerciais das distintas vilas.
A delegada gabou o papel da Federación Galega de Comercio e das mesas locais de comercio que, xunto coa Consellería de Economía e Industria, participan “da estratexia de cambio pola que estamos a revitalizar o comercio tradicional, destacándoo como un valor engadido para un cliente que é cada vez máis esixente”, segundo afirmou.
O mellor camiño, engadiu, é afianzar os pasos que se están a dar para unha mellor formación dos axentes implicados no sector, para a introdución plena das novas tecnoloxías -como ferramenta de venta e para ampliar a carteira de servizos ao cliente- e para o aproveitamento das novas canles de marketing. A delegada lembrou que a Consellería de Economía convoca cursos e liñas de axuda encamiñadas cara a estes obxectivos.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
