O Burela FS Pescados Rubén B sufriu unha inmerecida derrota o sábado na Fonsagrada ante o Ribeira FS (7-2). O desacerto na finalización laranxa e grande efectividade dos locais condenou os de Iván Cao, Lucas, que marcharon ao descanso con 5-1 desfavorable.
Keko reaccionou enseguida ao temperán tanto de Ismael, que xa puxo por diante o Ribeira FS no primeiro minuto de xogo. No entanto, a sorte estaba do lado fonsagradino, que tivo cento por cento de eficacia nas súas ocasións. Lobeiras (minuto 7, 13), Donino (minuto 10) e Javi (minuto 19) ampliaron as distancias ata o 5-1.
No segundo tempo, o Burela FS B buscou a remontada; Carlos subiu o 5-2, xa no 22, pero as filas locais volveron atopar ocos para poñer terra por medio con tantos de Ismael (27) e Donino (31).
O próximo encontro dos mariñáns será o sábado 14, na casa, fronte ao ADFS Bueu.
Ficha técnica
Ribeira FS: Daniel, Sebastián, César, Ismael e Lobeira, cinco inicial; tamén xogaron Donino, Jairo, Hugo, Enrique, Javier e Silbán
Burela FS Pescados Rubén B: Brais, Manuel, Alemán, Antón Couto e Keko, cinco inicial; tamén xogaron Javi, Xoel, Antón González, Aitor, Carlos, Bruno de Nois e Hélder
Goles. 1-0, minuto 1, Ismael; 1-1, minuto 2, Keko; 2-1, minuto 7, Lobeiras; 3-1, minuto 10, Donino; 4-1, minuto 13, Lobeiras; 5-1, minuto 19, Javi; 5-2, minuto 22, Carlos; 6-2, minuto 27, Ismael; 7-2, minuto 31, Donino
Árbitros: Naray Álvarez//Rivas Fouz
Tarxetas: Por Ribeira amarela a Donino e Jairo. Por Burela FS amarela a Bruno e Antón González e dobre amarela a Manu Jiménez.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
