Ribadeo, 10 de xaneiro de 2014. O alcalde, Fernando Suárez, ven de enviarlle unha carta á directora xeral do IGVS, demandándolle que a Xunta asine canto antes os convenios co Concello e co Ministerio para a rehabilitación de vivendas e espazos públicos en Ribadeo e en Rinlo. Suárez Barcia subliña que é a primeira vez en máis de 10 anos en que a estas alturas están sen asinar os convenios dos ARIS para que os propietarios de inmobles dos cascos vellos poidan acollerse ás axudas establecidas para a súa rehabilitación.
O rexedor dixo que “sempre nos temos referido á importancia que ten suposto tanto para o casco vello de Ribadeo coma para o casco vello de Rinlo todas estas axudas derivadas dos convenios das Áreas de Rehabilitación Integral, que son financiados pola Xunta, polo Ministerio e polo Concello, para a parte de urbanización de espazos públicos, rúas, etc, e logo tamén para a parte de rehabilitación de vivendas neste caso polo Ministerio e pola Xunta”.
Suárez Barcia lembrou que “isto é así desde o ano 2002 e agora que estamos empezando o 2014 debemos dicir que nos 10 convenios que levamos asinado en Ribadeo nunca coma ata o de agora temos pendente de asinar un novo convenio, de tal maneira que a día de hoxe a moita xente que quere someterse ou ter axudas para rehabilitar vivendas no casco vello, estámoslle a dicir que lamentablemente non as pode solicitar porque non saíu a orde de convocatoria, xa que os convenios correspondentes a esta anualidade e á anterior deberían estar asinados, sabemos que a parte do Ministerio está resolta desde hai meses, pero a Xunta aínda non o ten resolto”.
O alcalde ribadense engadiu que “o tempo pasa e desde Concello somos moi cautelosos, estámoslles a enviar requerimentos a moitos dos propietarios de vivendas para que as amañen e dóenos que non se poidan acoller a axudas ás que teñen dereito e que por non terse asinado este convenio entre a Xunta e o Ministerio non poidan ter acceso ás mesmas. De aí que lle acabo de enviar unha carta á directora xeral do Instituto Galego da Vivenda e Solo para que Ribadeo e outros concellos, aínda que eu preocúpome polo que me toca, deixemos de estar nesta situación de espera inédita, porque nunca desde o 2002 se produciu esta circunstancia, e si á xente lle pedimos compromiso coas súas vivendas tamén é lóxico que poñamos á súa disposición instrumentos que a Xunta e que o goberno do Estado teñen, pero que non dan resolto”.
Segundo recolle a carta que o alcalde lle mandou á directora xeral do IGVS con 10 convenios en Ribadeo rehabilitáronse 213 inmobles dos 370 previstos nos últimos dez anos e con 3 convenios en Rinlo adecentaronse 32 vivendas das 311 susceptibles de rehabilitación.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
