O voceiro provincial socialista, Manuel Martínez, salientou este venres que o “PP volve a mentir porque lle molesta que a Deputación de Lugo poña en marcha plans de emprego na provincia que non fai a Xunta, a pesares de ser a administración galega coas competencias”.
Primeira mentira. Martínez lembrou que, tal e como recollen as bases feitas públicas, os requisitos do plan de emprego para Concellos de menos de 5.000 habitantes, os de menores recursos, son non terse beneficiado de escolas taller e obradoiros de emprego da Xunta de Galicia dende 2009. Así o cumpren, os 12 municipios que resultaron beneficiados. “O señor Balseiro mente, ó igual que fai Rajoy, Feijóo ou Rueda”.
Segunda mentira. O Deputado destacou que os Concellos beneficiados deste plan si solicitaron escolas taller e obradoiros da Xunta, que non lles foron concedidos. “Dende que chegou Feijóo, Becerreá fíxoo unha vez de xeito solitario e outra vez conxuntamente con Pedrafita do Cebreiro, Cervantes e Navia de Suarna. Nin tan sequera non contestaron, limitando a posibilidade de presentar un recurso”.
Neste senso, Martínez adiantou que “ tamén vamos a solicitar obradoiros de emprego da Xunta de Galicia para este ano, que veñen de publicarse”.
“Dobre discriminación”
O Deputado destacou a “dobre discriminación” por parte da Xunta que sofren Concellos lucenses, facendo alusión ás axudas do Plan de Cooperación do Executivo autonómico. O voceiro instou ó Goberno galego de Feijóo a publicar o reparto destas subvencións, poñendo como exemplo Becerreá, que nos últimos tres anos recibiu, exclusivamente, 300.000 euros para financiar os GRUMIR, agora GES, porque lles obriga a Lei.
“A evidente e demostrada política discriminatoria do Partido Popular de Feijóo en Lugo fai necesaria a posta en marcha de actuacións de reequilibro laboral. Pero isto tamén lle molesta ó PP, que chegou a levar ós tribunais o Lugo Emprega, que deu traballo a máis de 700 traballadores de todos os Concellos da provincia. Está molesto porque a Deputación de Lugo fai nesta provincia o que non fai a Xunta de Galicia. Adicamos 13 millóns de euros en emprego para todos os Concellos. En vez de tanto manifestar, o que debería facer o PP é investir en emprego na provincia”.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
