A Comunidade de Montes de Vilaestrofe, do Concello de Cervo, quere mostrar á súa preocupación polo cariz que están a tomar os acontecementos con respecto a mina de caolín sita no Monte Castelo, de titularidade desta Comunidade, coas inclemencias meteorolóxicas actuais, e co terreo en constante deslizamento.
“Coñecemos estes días a noticia de que o noso veciño e concelleiro deste Concello, José Manuel Balseiro Orol, se vai a interesar polo tema no Parlamento de Galicia; polo que queremos mostrar a noso apoio a esta medida poñéndonos á súa disposición para informalo de como está a situación, así como da preocupación dos veciños, como non podería ser doutro xeito, na data e lugar que vexa convinte”, explica o Presidente da Comunidade de Montes, Leandro Río.
Así mesmo, expresa a súa alegría por que exista esa preocupación polo estado da fenda. “Que se vaia a debatir no Parlamento de Galicia, quere decir que a situación é importante, e dende a Comunidade vamos a poñer todo da nosa parte para que a situación se resolva”, remarca.
“O que nos resulta menos comprensible é a actuación da empresa, “Area Minera del Atlánticos S.L.”, que dende a paralización da actividade mineira non tratou de solventar a situación, a pesares dos nosos intentos de poñernos en contacto cos actuais directivos, e que agora ó parecer xa se atopa en proceso concursal”, engade.
Ademais, inciden en que “a fenda está en terreo non ocupado pola empresa mineira, e non pode entrar a efectuar ningún tipo de actuación sen anterioridade proceder á súa ocupación e satisfacer as cantidades estipuladas no contrato”.
Por outra banda, afirman tamén que “vemos como xa van dous anos nos cales se nos debe o arrendamento da superficie ocupada, 29,15 hectáreas, pero sobretodo o que máis nos interesa e preservar a seguridade dos traballadores e dos nosos veciños, que é o máis importante”.
A Comunidade quere facer un chamamento ó diálogo e por iso “poñémonos a dispor do señor Balseiro deixando claro que se desexa mediar e buscar unha solución será benvido, porque a Xunta é a que ten competencia actualmente para que a empresa volva a reanudar a actividade que xa foi quen paralizou a mesma”.
Así mesmo, cren convinte que “a Xunta evalúe, coordine e faga un seguimento, das actuacións a levar a cabo, e lle pida a empresa o depósito dun aval pola cantidade precisa para executar as claúsulas do contrato e polas tarefas a realizar, pois non creemos nas promesas dos directivos da empresa.
Non entenderiamos que se procedera a autorizar a actividade se está sen resolver o da ocupación, así como o dos imcumprimentos do contrato que vincula a Comunidade e empresa”.
Aínda así, deixan claro que “non entenderiamos que se procedera a autorizar a actividade se está sin resolver o da ocupación, así como o dos imcumprimentos do contrato que vincula a Comunidade e empresa”.
Finalmente, a Comunidade de Monte manifesta o seu interese por que a empresa continúe a súa actividade, “pois xera importantes postos de traballo e recursos económicos para a nosa parroquia, pero non queremos que sexa a costa de poñer en perigo ós nosos veciños”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
