Lugo, 14 de febreiro de 2014. O delegado de Cultura e Turismo da Deputación de Lugo e portavoz do BNG, Mario Outeiro, informou, na rolda de prensa posterior á Xunta de Goberno da institución provincial, que vén de aprobarse a proposta de adxudicación do alleamento de accións do CB Breogán S.A.D. Neste sentido, explicou que “das vinte ofertas que recibiu a Deputación para a compra do 62,5% das accións que o Breogán sacou a poxa, só unha se excluíu por non atender o requirimento feito pola Comisión reunida o pasado 24 de xaneiro, na que se elaborara a proposta provisional de adxudicación que hoxe se aproba”.
Os compradores son entidades deportivas, sociedades mercantís do mundo do deporte, a comunicación ou o comercio, entre outros sectores, así como particulares, todos eles da provincia de Lugo. Entre os compradores está o propio Breogán, que se acolleu á oferta de autocarteira.
Outeiro lanzou unha mensaxe de tranquilidade e precisou que “o feito de que todos os compradores sexan da provincia ratifica o que xa garantira a Deputación: é imposíbel a deslocalización do club, que, como tamén avanzara a institución, pasa a ser propiedade de todos os lucenses”.
Neste sentido, o delegado comentou unha serie de afirmacións que veu facendo o Partido Popular nos medios de comunicación nos últimos días, “unhas afirmacións totalmente subxectivas as que forman parte dun escrito presentado polos populares na Deputación, pois configuran unha reclamación de índole político, en nada semellan a unha reclamación de tipo administrativo ou legal” – apuntou o delegado.
Así mesmo, Mario Outeiro garantiu que “estamos ante un proceso de alleamento de accións do Breogán por parte da Deputación de Lugo totalmente legal, un proceso que conta con todos os informes xurídicos favorables” e insistiu en que “se o Partido Popular non está de acordo con todo este proceso convidámolos a que o leven pola vía xudicial ou polo contencioso administrativo. Nós, desde a Deputación, continuaremos, mentres tanto, con este procedemento para adxudicar as accións restantes”.
Patrimonio Lingüístico
Noutra orde de asuntos, Mario Outeiro, en calidade de delegado de Normalización Lingüística da Deputación e voceiro provincial do BNG, denunciou a pasividade que está a amosar a Xunta de Galiza ao non cumprir a súa obriga de protexer o uso do patrimonio lingüístico galego.
“É inadmisíbel que a día de hoxe canles de comunicación públicas e privadas, como pode ser o caso da Televisión Española ou Telecinco recorran á tradución sistemática de topónimos das distintas localidades de Galiza, resucitando do Franquismo o uso de híbridos como Ginzo de Limia ou deturpacións como El Cebrero” – puntualizou o delegado.
“Desde a área de Normalización Lingüística estamos convencidos que este comportamento responde a motivacións ideolóxicas, en liña coa involución no respecto á diversidade lingüística e cultural do Estado que se está a impor nos últimos anos desde o poder, mentres que ambas canles televisivas subverten a lexislación coas súas actuacións”.
Apoio ao indulto dos sindicalistas galegos
O portavoz do BNG na Deputación tamén aproveitou para amosar o seu malestar ante a negativa do Partido Popular a pactar unha declaración institucional, proposta polo Grupo Parlamentario do Bloque Nacionalista Galego e avalada pola sinatura de milleiros de cidadáns, para pedir ao Goberno do Estado o indulto dos sindicalistas galegos Carlos Rivas e Serafín Rodríguez, condenados ámbolos dous por participar nun piquete informativo no ano 2008.
Os dous sindicalistas da CIG están condenados a penas de prisión pola súa participación nunha folga do transporte no marco da negociación do convenio colectivo de Pontevedra, sentenza ratificada dous anos despois pola Audiencia Provincial de Pontevedra.
“Non só desde o BNG, senón tamén desde os demais partidos da oposición na Xunta e as organización sindicais CIG, UGT e CC.OO., se considerea inxustificada esta situación por aplicar o artigo 315.3 do Código Penal, atentado contra os dereitos das traballadoras e traballadores, cando o que debera prevalecer é o dereito de folga” – concluíu Mario Outeiro.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
