A Deputación de Lugo asinou hoxe un convenio coa Asociación de Autónomos de Galicia (AUGA), co que a institución provincial achega 60.000 euros para o impulso de iniciativas conxuntas encamiñadas ó apoio ó sector, como accións formativas, conferencias e seminarios, así como outras de atención e asesoramento ós traballadores autónomos de toda a Comunidade. O convenio foi asinado polo Presidente da Deputación, José Ramón Gómez Besteiro, e o Secretario Xeral da Asociación de Autónomos de Galicia (AUGA), Lisardo Domínguez, logo de manter unha xuntanza cun autónomo lugués, parte desta asociación, na que coñeceron de primeira man a situación actual e as inquedanzas deste sector fronte á crise económica.
Gómez Besteiro destacou que a sinatura deste convenio é un paso máis na aposta “sen fisuras” da institución luguesa por apoiar ó sector, “que son piar fundamental da economía desta provincia e deste país”, e amosou a súa preocupación polos negativos efectos que as políticas de recortes están a ter entre estes profesionais. O Presidente subliñou que, se xa os datos rexistrados o pasado ano, durante o que Galicia perdeu case 1.000 traballadores por conta propia amosaban a delicada situación do sector, as reformas postas en marcha polos Gobernos de Rajoy e Feijóo nos últimos meses, complican aínda máis o presente e o futuro dos pequenos negocios e traballadores por conta propia. “Carece de toda lóxica que se penalice con recortes e gravames continuos a quen sostén o país. Non se pode pretender reactivar a economía e recuperar postos de traballo atacando a quen xera riqueza e emprego”, sentenciou.
Durante o encontro, Lisardo Domínguez, Secretario Xeral desta asociación que representa a preto de 30.000 activos, entre traballadores a título individual como agrupacións, agradeceu á Deputación de Lugo o apoio prestado, xa que este é o primeiro organismo provincial de Galicia “en atender ás nosas demandas e colaborar”, e insistiu na necesidade de que as Administracións asuman a importancia do papel que desempeñan os autónomos na recuperación económica. A mesma opinión amosou Pilar Ónega, autónoma e propietaria dun pioneiro negocio ubicado na capital luguesa.
Medidas por imposición
A aprobación por parte do Goberno central dun incremento dun 2% na base mínima de cotización –prexudicando a máis do 80% dos autonómos galegos- e dun 5% na máxima, ou a obrigatoriedade de comunicar á Seguridade Social o importe de todos os conceptos retributivos abonados ós seus traballadores, incluídos ou non na base de cotización, supuxeron un duro golpe para os autónomos galegos, o 80% dos cales pasou de abonar 216,72 a 256,72 euros mensuais.
Outras problemáticas do sector, como a falla de crédito -3.442 millóns de euros menos con respecto ó 2013, segundo datos do Banco de España-; os intereses que deben abonar por créditos bancarios determinados clientes, especialmente empresas –de ata un 10,5%-; ou a obrigatoriedade do pago da prestación de desemprego –malia que nos últimos anos en Galicia só cobraron o desemprego 77 autónomos dos máis de 350 que o solicitaron-; ou a inxente cantidade de trámites necesarios para a apertura dun negocio, son medidas que, segundo destacou Besteiro, “aplícanse como adoitan facer o Goberno central e autonómico: por imposición, sen mediar diálogo, coas que manteñen ós autónomos nunha permanente situación crítica”.
3.391 autónomos menos en Lugo
A situación en Galicia agravouse por outras medidas adoptadas polo Executivo de Núñez Feijóo, como o mantemento do IRPF autónomico máximo no 21,5%, un dos máis altos de España; ou aplicación do céntimo sanitario –o combustible na Comunidade pasou de ser o 6º ó 2º máis caro en España-, agravaron a situación do sector: de marzo de 2009 a xaneiro de 2013, o réxime de autónomos pasou de ter 225.493 a 213.224 afiliados. Na provincia de Lugo as cifras son similares, xa que nestes cinco anos os autónomos pasaron de ser 40.246 a 36.855, sen menoscabo de que, malia estas cifras pouco alentadoras, supoñan o 30% da poboación activa luguesa na actualidade.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
